سينوپتيكتەر 8 ماۋسىمعا ارنالعان اۋا رايى بولجامىن جاريالادى، دەپ حابارلايدى «قازگيدرومەت» رمك ءباسپاسوز قىزمەتى.
«رەسپۋبليكانىڭ باسىم بولىگىندە وڭتۇستىكتەن كەلگەن تسيكلونعا بايلانىستى اتموسفەرالىق فرونتالدىق بولىكتەردىڭ اسەرىنەن جاڭبىرمەن بىرگە نايزاعاي بولادى، كەي جەرلەردە بۇرشاق جاۋى مۇمكىن. رەسپۋبليكانىڭ كەي جەرلەرىندە جەل كۇشەيىپ، وڭتۇستىكتە شاڭدى داۋىل، سولتۇستىكتە تۇمان بولادى»، - دەلىنگەن حابارلامادا.
اتىراۋ، باتىس قازاقستان، قاراعاندى، سولتۇستىك قازاقستان، الماتى وبلىستارىندا، كۇندىز اقمولا وبلىسىنىڭ كەي جەرلەرىندە جەل 15-20 م/س كۇشەيەىپ، بۇرشاق جاۋى مۇمكىن، باتىس قازاقستان وبلىسىندا داۋىل، سولتۇستىك قازاقستان وبلىسىندا تۇندە جانە تاڭەرتەڭ تۇمان بولادى.
جامبىل، تۇركىستان وبلىستارىنىڭ كەي جەرلەرىندە نايزاعاي، داۋىل، شاڭدى داۋىل بولىپ، جەل 15-20, كۇندىز ەكپىنى 25 م/س كۇشەيەدى. كۇندىز جامبىل وبلىسىنىڭ باسىم بولىگىندە قاتتى ىستىق بولادى.
قىزىلوردا وبلىستارىنىڭ كەي جەرلەرىندە جەل 15-20, ەكپىنى 23-28 م/س كۇشەيەدى.
ماڭعىستاۋ، اقتوبە، شىعىس قازاقستان وبلىستارىندا، كۇندىز قىزىلوردا، قوستاناي، پاۆلودار وبلىستارىنىڭ كەي جەرلەرىندە جەل 15-20 م/س كۇشەيەدى، قىزىلوردا وبلىسىندا شاڭدى داۋىل سوعادى.
«قىزىلوردا، جامبىل، تۇركىستان، اقتوبە، قاراعاندى وبلىستارىنىڭ باسىم بولىگىندە، الماتى، اتىراۋ، قوستاناي، اقمولا وبلىستارىنىڭ كەي جەرلەرىندە، پاۆلودار، شىعىس قازاقستان وبلىسىنىڭ جەكەلەگەن اۋداندارىندا وتە جوعارى ءورت قاۋپى ساقتالادى»، - دەلىنگەن «قازگيدرومەت» حابارلاماسىندا.
