ميانماعا كوروناۆيرۋس وشاعىن كوبەيتىپ، بۇكىل وڭىرگە باقىلاۋسىز تاراتۋى مۇمكىن. بۇل تۋرالى بۇۇ-نىڭ ميانماداعى ادام قۇقىقتارى جونىندەگى ارنايى بايانداماشىسى توم ەندريۋس ايتتى، دەپ حابارلايدى «ادىرنا» ۇلتتىق پورتالى ريا نوۆوستيگە سىلتەمە جاساپ.
«ميانما كوروناۆيرۋستىڭ سۋپەر تاراتۋشىسىنا اينالىپ جاتىر. ونىڭ اراسىندا وتە قاۋىپتى ءارى جۇقپالى «دەلتا» جانە باسقا شتاممدار بار. بۇل - وتە قاۋىپتى نارسە»، - دەدى توم ەندريۋس.
ونىڭ ايتۋىنشا، ميانمادا كوروناۆيرۋستان قايتىس بولعاندار مەن جۇقتىرعانداردىڭ ناقتى سانى ءالى بەلگىسىز. ول مەملەكەت جەر شارى حالقىنىڭ ۇشتەن ءبىرى تۇراتىن ەلدەرمەن شەكتەسەتىنىن ەسكە سالدى.
«ادىرنا» ۇلتتىق پورتالى
