بەلورۋس پرەزيدەنتى الەكساندر لۋكاشەنكو الەمنىڭ بۇكىل دارىگەر، عالىمدارىنىڭ باس اۋرۋىنا اينالعان كوروناۆيرۋستىڭ ەمىن تاپتى دەپ حابارلايدى «ادىرنا» ۇلتتىق پورتالى mk.ru اگەنتتىگىنە سىلتەمە جاساپ.
بەلورۋس پرەزيدەنتىنىڭ سوزىنە سەنسەك، جۇرتتى جاپپاي كارانتينگە قاماپ، ەلدى ابىگەرگە تۇسىرگەن اتىڭ وشكىر ۆيرۋستىڭ ەمى كادىمگى ىرىمشىك ەكەن. سلۋتسكي اۋدانىنا بارعان ساپارىندا: «ەگەر بىلە بىلسەڭدەر، ىرىمشىك كوۆيدكە ارنالعان ەڭ جاقسى ءدارى»، دەدى لۋكاشەنكو.
ەستەرىڭىزدە بولسا، لۋكاشەنكو وسىعان دەيىن ءبىر سوزىندە كوروناۆيرۋستى بولدىرماۋ ءۇشىن كۇنىنە ازداپ اراقتان تارتىپ جىبەرۋدى ۇسىنعان بولاتىن. سونىمەن قاتار بەلورۋس پرەزيدەنتى كوۆيدكە قارسى ەم شارالار دەپ ساۋنا، ەگىستىكتە تراكتور ايداۋ، حوككەي مەن وتتىڭ ءتۇتىنىن ۇسىنعان ەدى.
ال بۇل جولى باسقاشا «ايان ءتۇس» كورگەن بە، لۋكاشەنكو كوۆيدتى ىرىمشىك جەپ ەمدەۋگە بولاتىنىن ايتادى. جىلعا جۋىق ۋاقىت مىڭ سان دارىگە ءتۇرلى تاجىريبە جاساپ، الاشاپقىن بولىپ جۇرگەن عالىمدار مەن ۆاكتسينولوگتار لۋكاشەنكونىڭ بۇل نۇسقاۋلىعىنان كەيىن جۇمىستارىن تاستاپ، تاركتورعا وتىرا ما، الدە ازداپ اراقتان ۇرتتاپ كەتە مە، ول جاعى بەلگىسىز. ايتەۋىر، كوروناۆيرۋستىڭ ەڭ وڭاي ەمىن ىرگەمىزدەگى ەلدىڭ پرەزيدەنتى «تاپقان» سياقتى.
فوتو اشىق دەرەككوزدەن الىندى.
