ۆاكتسيناتسيالانعان ستۋدەنتتەر مەن وقىتۋشىلار اراسىندا اكتسيالار وتكىزەتىن جوعارى وقۋ ورىندارىنىڭ ءتىزىمى كەڭەيتىلىپ جاتىر. بۇل تۋرالى بعم ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
بۇعان دەيىن ۆەدومستۆو باسشىسى ا. ايماعامبەتوۆتىڭ ستۋدەنتتەر مەن وقىتۋشىلاردىڭ دەنساۋلىعىن قورعاۋ ءۇشىن ۆاكتسيناتسيالاۋعا ىنتالاندىرۋ جونىندەگى تاپسىرماسى تۋرالى حابارلاعان بولاتىن. قازىر 20 جوعارى وقۋ ورنى جەدەل شارالار قابىلداپ، بۇگىنگى تاڭدا ءتىزىم تاعى 8 ۋنيۆەرسيتەتپەن تولىقتىرىلدى. وسىلايشا، جوعارى وقۋ ورىندارىنىڭ رەكتورلارى قازىر كۇللى الەمدە جۇرگىزىلىپ جاتقان ۆاكتسيناتسيا قارقىنىن كۇشەيتۋ جونىندەگى جۇمىستى قولدايدى.
ستۋدەنتتەر مەن جوو وقىتۋشىلارى اراسىندا ۆاكتسيناتسيانى ىنتالاندىرۋ بويىنشا اكتسيالار
Satbayev University ۆاكتسيناتسيالانعان ستۋدەنتتەر ءۇشىن:
- جەكە ستارتاپ اشۋعا 5 ملن تەڭگە گرانت;
- جوو جاتاقحانالارىندا تۇرۋ ءۇشىن 20 ورىن;
- ەلدەگى نەمەسە شەتەلدەگى جەتەكشى كومپانيالاردا وندىرىستىك پراكتيكادان وتۋگە جۇمسالعان شىعىنداردى تولىق وتەۋ;
- Qoldau بيزنەسكە ارنالعان تسيفرلىق پلاتفورمامەن بىرلەسىپ كاسىپكەرلىك داعدىلاردى دامىتۋ كۋرستارىنا 100 سەرتيفيكات;
- سەسسيانى ۋاقىتىندا تاپسىرماعان ستۋدەنتتەرگە كۋرستاردان ەكىنشى مارتە تەگىن ءوتۋ جانە 3 كرەديتتى قايتا تەگىن تاپسىرۋ مۇمكىندىگى;
- وفلاين-قىزىقتى شىعارماشىلىق، عىلىمي، سپورتتىق ءىس-شارالارعا (مەيكاتوندار، حاكاتوندار، تۋرنيرلەر، كونتسەرتتەر جانە ت. ب.) قاتىسۋ مۇمكىندىگى;
ۆاكتسيناتسيالانعان قىزمەتكەرلەر مەن پەداگوگيكالىق وقىتۋشىلار قۇرامى ءۇشىن:
- ورتاشا جالاقىسىن ساقتاي وتىرىپ، جۇمىستان 2 كۇنگە بوساتۋ;
-10 قىزمەتكەرگە وسى جىلدىڭ سوڭىنا دەيىن جوو جاتاقحانالارىندا تۇرۋىنا 50% جەڭىلدىك .
قاراعاندى تەحنيكالىق ۋنيۆەرسيتەتى:
- 2022 جىلدىڭ جازىنا ستۋدەنتتەر اراسىندا "پوليتەحنيك" سپورتتىق-ساۋىقتىرۋ لاگەرىنە تەگىن جولدامالار ۇتىس ويىنى;
- 2022 جىلدىڭ جازىنا "پوليتەحنيك" سپورتتىق-ساۋىقتىرۋ لاگەرىنە وقىتۋشىلار مەن قىزمەتكەرلەر اراسىندا تەگىن جولدامالار ۇتىس ويىنى;
- كۇزگى سەمەستردە ستۋدەنتتەرگە اعىلشىن ءتىلى كۋرستارىنا تەگىن قاتىسۋ;
- باسقارما توراعاسى جوو رەكتورىنىڭ ستيپەنديالارىن تاعايىنداۋ كەزىندەگى باسىمدىق.
س. وتەباەۆ اتىنداعى اتىراۋ مۇناي جانە گاز ۋنيۆەرسيتەتى:
- قر تاۋەلسىزدىگىنىڭ 30 جىلدىعى قارساڭىندا جوو-نىڭ ۆاكتسيناتسيالانعان 20 ستۋدەنتى مەن 10 قىزمەتكەرىنە تۇركىستان قالاسىنا جولداما;
- كاسىپوداق كوميتەتىنىڭ جەلىسى بويىنشا ساۋىقتىرۋ شيپاجايىنا 2 جولداما - 2021-2022 وقۋ جىلىندا ۆاكتسيناتسيالانعان ستۋدەنتتەرگە ستيپەنديا ىرىكتەلىپ بەرىلەدى;
-جوو رامىزدەرىمەن سىيلىقتار ۇتىس ويىنى;
- شەت تىلدەرىن وقىتۋ بويىنشا تەگىن كۋرستار;
- جوو جاتاقحاناسىندا ستۋدەنتتەردىڭ تۇرۋىنا 50% جەڭىلدىك;
- مۇناي-گاز كومپانيالارىندا ستۋدەنتتەردىڭ وندىرىستىك تاجىريبەدەن ءوتۋ مۇمكىندىگى;
-ءتۇرلى ترەنينگتەر مەن ماستەر-كلاسستارعا جانە باسقا دا ءىس-شارالارعا تەگىن قاتىسۋ;
- ۆاكتسيناتسيالانعان ستۋدەنتتەرگە اكادەميالىق ۇتقىرلىق باعدارلاماسى اياسىندا شەتەلدە وقۋعا باسىمدىق بەرۋ;
- رەسپۋبليكالىق جانە حالىقارالىق كونكۋرستارعا تەگىن قاتىسۋ.
تورايعىروۆ ۋنيۆەرسيتەتى:
- 15 ستۋدەنتكە قر كونستيتۋتسياسى كۇنىنە وراي نۇر-سۇلتان قالاسىنا جولداما;
- ستۋدەنتتەر مەن وقىتۋشىلار ءۇشىن سپورتتىق-ساۋىقتىرۋ كەشەنىندەگى فيتنەس-زالعا بارۋعا 25 تەگىن ابونەمەنت;
-ۋنيۆەرسيتەتتىڭ "بايانتاۋ" جازعى ساۋىقتىرۋ لاگەرىنە 30 ستۋدەنتكە جولداما;
- كاسىپوداق مۇشەلەرى ءۇشىن ساۋىقتىرۋ كەشەنىنە جولداما ۇتىس ويىنى;
- ۆاكتسيناتسيالانعان وقىتۋشىلاردىڭ دەمالىسىنا قوسىمشا كۇندەر،
- ءبىر وقۋ جىلى ىشىندە جوو جاتاقحاناسىندا 40 ستۋدەنتتىڭ تۇرۋىنا 50% جەڭىلدىك;
- ستۋدەنتتەر اراسىندا iPhone 12 سەرتيفيكاتىنىڭ ۇتىس ويىنى.
س. سەيفۋللين اتىنداعى قازاق اگروتەحنيكالىق ۋنيۆەرسيتەتى:
- ۆاكتسيناتسيا پاسپورتى بار، ۆاكتسيناتسيالانعان وقىتۋشىلار مەن ۋنيۆەرسيتەت قىزمەتكەرلەرى اراسىندا باعالى سىيلىقتاردىڭ، تۇرمىستىق تەحنيكالاردىڭ ۇتىس ويىنى;
- ۆاكتسيناتسيالانعان وقىتۋشىلار مەن ۋنيۆەرسيتەت قىزمەتكەرلەرىنە قالالىق قوعامدىق كولىكتە جول ءجۇرۋ بيلەتتەرى;
- ۆاكتسيناتسيا پاسپورتى بار وقىتۋشىلار مەن قىزمەتكەرلەر ءۇشىن ششۋچە كۋرورتتىق ايماعىندا تيمبيلدينگ وتكىزۋ;
- ۆاكتسينانىڭ ەكى كومپونەنتىن العان جاتاقحاناعا مۇقتاج ستۋدەنتتەر ۆاكتسيناتسيا تولقۇجاتىن ۇسىنعان كەزدە جاتاقحانادا ءبىر اي تەگىن تۇرادى;
- ستۋدەنتتەر اراسىندا باعالى سىيلىقتاردىڭ اۋقىمدى ۇتىس ويىندارى.
وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتى:
- وقىتۋشىلارعا ۆاكتسيناتسيادان كەيىن ء(بىر كۇن) دەمالىس بەرۋ;
- ۆاكتسيناتسيادان تولىق وتكەن توپ كۋراتورلارىنا، ستاروستالارىنا العىس حاتتار، سىيلىقتار (20-دان استام ستۋدەنتتەر توبى);
- ۆاكتسيناتسيانى ءوز ەرىكىمەن سالدىرعان العاشقى 50 ستۋدەنت كونكۋرستان تىس ەڭ جاقسى ستۋدەنتتەر ۇيىندە تۇرۋعا جولداما الادى;
- 50 توپ ستاروستاسىنا، بەلسەندىلەرگە تۇركىستان قالاسىنا ەكسكۋرسياعا تەگىن جولدامالار بەرىلەدى;
- ءوز ەركىمەن ۆاكتسينا سالدىرعان ءاربىر 400-ءشى ستۋدەنتكە وقۋ اقىسىن تولەۋگە 20% جەڭىلدىك بەرىلەدى;
- ءاربىر 500-ءشى ءوز ەركىمەن ەگىلگەن ستۋدەنت پلانشەتتى سىيلىققا الادى;
- ءوز ەركىمەن ۆاكتسينا العان ءاربىر 200-ءشى ستۋدەنت نۇر-سۇلتان قالاسىنا ەكسكۋرسياعا جولداما الادى;
- ۆاكتسيناتسيا بويىنشا ءتۇسىندىرۋ جۇمىستارىن جۇرگىزۋ كەزىندە بەلسەندىلىك تانىتقان ستۋدەنتتەر تۋرالى اقپارات ارنايى ستەندتە جانە ۋنيۆەرسيتەت سايتىندا ورنالاستىرىلادى.
ق.ا. ياساۋي اتىنداعى حالىقارالىق قازاق-تۇرىك ۋنيۆەرسيتەتى:
- “سارىاعاش", "مانكەنت", "جاڭاقورعان" شيپاجايلارىنا 5 جولداما ۇتىسى ويىنى;
- ستۋدەنتتەر اراسىندا باعالى سىيلىقتاردىڭ ۇتىس ويىندارى م. ح. دۋلاتي اتىنداعى تاراز وڭىرلىك ۋنيۆەرسيتەتى - ءبىرىنشى جارتى جىلدىقتا ۋنيۆەرسيتەت جاتاقحاناسىندا 100 ستۋدەنتتىڭ تەگىن تۇرۋى;
- ۆاكتسيناتسيالانعان ستۋدەنتتەر اراسىندا باعالى سىيلىقتار ۇتىس ويىنى;
- ۋنيۆەرسيتەتتىڭ يميدجدىك ءونىمى تۇرىندەگى سىيلىقتار;
- ۆاكتسيناتسيالانعان ستۋدەنتتەردىڭ كونكۋرستارعا، اكادەميالىق ۇتقىرلىق باعدارلامالارىنا قاتىسۋعا باسىم قۇقىعى;
- جوو-نىڭ 50 وقىتۋشىسىنا ىستىقكولگە جولداما;
- كوشپەلى عىلىمي سەمينارلار مەن كونفەرەنتسيالارعا، بىلىكتىلىكتى ارتتىرۋ كۋرستارىنا قاتىسۋ كەزىندە باسىمدىلىق جانە قارجىلىق قولداۋ كورسەتۋ;
- عىلىمي ماقالالاردى ۋنيۆەرسيتەت شىعارعان جۋرنالداردا جانە قر بعم ءبىلىم جانە عىلىم سالاسىندا ساپانى ساپانى قامتاماسىز ەتۋ كوميتەتى ۇسىنعان جۋرنالداردا جاريالاۋ كەزىندە قارجىلىق قولداۋ كورسەتۋ;
- وقۋ جىلى ىشىندە جوو وقىتۋشىلارى مەن قىزمەتكەرلەرىنە اقىلى دەمالىس كۇنىن ۇسىنۋ.
«ادىرنا» ۇلتتىق پورتالى
