سايلاۋ-2021: اتىراۋ وبلىسى

4223
Adyrna.kz Telegram

اتىراۋ وبلىسىندا 18 اۋىلدىق وكرۋگ بويىنشا 52 كانديدات تىركەلگەن.ولاردىڭ ىشىندە 24 كانديدات ساياسي پارتيالاردان («NurOtan» - 15, «اۋىل» حدپپ - 5, «اDAL» ساياسي پارتياسى - 2, قحپ – 2), قالعان 28 كانديدات ءوزىن-ءوزى ۇسىنعاندار.

بارلىق سايلاۋ ۋچاسكەلەرىندە تاۋەلسىز بايقاۋشىلار بار. ولاردىڭ قاتارىندا ۇكىمەتتىك ەمەس ۇيىم، پارتيا وكىلدەرى دە جۇمىس جاساۋدا.

اتىراۋ ق.، قايىرشاقتى اۋىلدىق وكرۋگى مەن قۇرمانعازى اۋدانىنىڭ سافون جانە تەڭىز اۋىلدىق وكرۋگتەرى بويىنشا – 2 كانديداتتان; ماحامبەت اۋدانى، سارايشىق اۋىلدىق وكرۋگىندە – 4 كانديدات; قالعان 14 وكرۋگتە – 3 كانديداتتان تىركەلگەن.

بارلىق 36 سايلاۋ ۋچاسكەسىندەگى داۋىس بەرۋ پۋنكتەرى ورتسايلاۋكومنىڭ قاۋلىسىمەن بەكىتىلگەن ءتيىستى ەرەجەگە سايكەس جاراقتاندىرىلعان.

سايلاۋ ۋچاسكەلەرىندە COVID-19 كورونوۆيرۋستىق ينفەكتسيانىڭ تارالۋىنىڭ الدىن-الۋ بويىنشا ءتيىستى شارالار قارالعان. سايلاۋ كوميسسيالارىنىڭ مۇشەلەرى ماسكالار، قولعاپتار، سانيتايزەرلەرمەن قامتاماسىز ەتىلگەن.

قر باس مەملەكەتتىك سانيتاريالىق دارىگەرىنىڭ 2021 جىلعى 25 ماۋسىمداعى №29 «اۋداندىق ماڭىزى بار قالالاردىڭ، اۋىلداردىڭ، كەنتتەردىڭ جانە اۋىلدىق وكرۋگتەردىڭ اكىمدەرىن سايلاۋدى ۇيىمداستىرۋ جانە وتكىزۋ كەزىندە COVID-19 كورونوۆيرۋستىق ينفەكتسيانىڭ تارالۋىنىڭ الدىن الۋ جونىندەگى قاۋلىسىنا سايكەس سەنىم بىلدىرىلگەن ادامدار، بايقاۋشىلار جانە بۇقارالىق اقپارات قۇرالدارىنىڭ وكىلدەرى ۆاكتسيناتسيا پاسپورتىن نەمەسە تاپسىرعان كۇنىنەن باستاپ 3 تاۋلىكتەن اسپايتىن ۋاقىت وتكەن پتر ادىسىمەن COVID-19-عا تەستتىڭ تەرىس ناتيجەسىن كورسەتەدى. اتالمىش قاۋلىعا سايكەس، سايلاۋعا قاتىسقان ءتيىستى تۇلعالاردىڭ بارلىعى پتر تەست تاپسىرىپ، كوروناۆيرۋسقا قارسى ۆاكتسينا الدى.

سايلاۋ كوميسسياسىنىڭ توراعاسى سەنىم بىلدىرىلگەن ادامداردىڭ، بايقاۋشىلاردىڭ جانە بۇقارالىق اقپارات قۇرالدارى وكىلدەرىنىڭ ورنالاسقان جەرىن الەۋمەتتىك قاشىقتىقتى ەسكەرە وتىرىپ، 1,5 – 2 مەتر قاشىقتىقتا ايقىندايدى.

36 سايلاۋ ۋچاسكەسىنىڭ 33-دە مۇمكىندىگى شەكتەۋلى ازاماتتارعا ارنالعان بۇرىشتار ۇيىمداستىرىلعان جانە ولارعا ارنايى كابينالار جاساقتالعان، لۋپالار، اۋديوروليكتەر، ترافارەتتەر دايىندالعان.

سايلاۋشىلار تىزىمىنە 44 305 سايلاۋشى ەنگىزىلگەن. سايلاۋ 41 ەلدى مەكەندە، 36 سايلاۋ ۋچاسكەسى اشىلدى.

داۋىس بەرۋ 2021 جىلعى 25 شىلدەدە جەرگىلىكتى ۋاقىت بويىنشا ساعات 07.00-دە باستالىپ، ساعات 20.00-دە اياقتالادى.

سايلاۋ قورىتىندىلارىن اۋداننىڭ (قالانىڭ) اۋماقتىق سايلاۋ كوميسسياسى ءۇش كۇن ىشىندە انىقتايدى.

پىكىرلەر