تاجىكستان 100 مىڭ اۋعان بوسقىندارىن قابىلداماق

1991

"تاجىكستان اۋعانستاننان كەلۋىڭ مۇمكىن 100 مىڭعا دەيىن بوسقىنداردى قابىلداۋعا دايىندالىپ جاتىر. ەكى شەكارالاس وبلىستىڭ اۋماعىندا قاجەتتى قورلاردى قۇرۋ ءۇشىن قويمالاردىڭ قۇرىلىسى اياقتالۋدا" دەپ حابارلايدى "ينتەرفاكس" تاجىكستان توتەنشە جاعدايلار جانە ازاماتتىق قورعانىس كوميتەتى توراعاسىنىڭ ورىنباسارى يمومالي يبروحيمزودانىڭ مالىمدەمەسىنە سىلتەمە جاساپ.

ونىڭ ايتۋىنشا، اۋعانستاننان كەلۋى مۇمكىن بوسقىنداردى كۋشونيون ايماعىندا جانە حوروگتا تۇرمىستىق قاجەتتىلىكتەرمەن قامتاماسىز ەتۋ ءۇشىن شاتىرلار، توسەك-ورىن، گيگيەنالىق قۇرالدار، ىدىس-اياق ساقتايتىن ەكى ارنايى قويمانىڭ قۇرىلىسى اياقتالۋدا.

ء"بىز حالىقارالىق ۇيىمدارمەن رەسپۋبليكانىڭ اۋعان بوسقىندارىن قابىلداۋ الەۋەتىن انىقتاۋ ءۇشىن كەلىسسوزدەر جۇرگىزىپ جاتىرمىز", - دەدى يبروحيمزودا.

ونىڭ ايتۋىنشا، شىلدە ايىندا تاجىكستان ءوز اۋماعىندا كۇنىنە 3 رەت ىستىق تاماقپەن، مەديتسينالىق كومەكپەن، ءومىر سۇرۋگە ارنالعان شاتىرلارمەن، توسەك جابدىقتارىمەن، اس ءۇي ىدىستارىمەن ەل ۇكىمەتى ەسەبىنەن قامتاماسىز ەتىلگەن 1574 بوسقىندى پانالاتقان. 

"ادىرنا" ۇلتتىق پورتالى

پىكىرلەر
رەداكتسيا تاڭداۋى