پرەمەر-مينيستر ا.ءماميننىڭ تاپسىرماسى بويىنشا فەرمەرلىك شارۋاشىلىقتارعا قولجەتىمدى باعامەن كولەمى 114,7 مىڭ توننا دايىندالعان ءشوپتى ساتىپ الۋ جانە جەتكىزۋ ءۇشىن تۇراقتاندىرۋ قورىن قالىپتاستىرۋعا، سونداي-اق «ازىق-تۇلىك كەلىسىمشارت كورپوراتسياسى» ۇك» اق ارقىلى 56,3 مىڭ توننا جەم-ءشوپ (كەبەك) ساتىپ الۋعا قوسىمشا قاجەتتى قاراجات بولىنەتىن بولدى دەپ حابارلايدى "ادىرنا" ۇلتتىق پورتالى.
قر پرەمەر-ءمينيسترىنىڭ ءباسپاسوز قىزمەتى مالىمدەگەندەي، ماڭعىستاۋ وڭىرىنە جۇمىس ساپارى بارىسىندا ا. مامين وبلىس اكىمى س. ترۇموۆتىڭ وڭىردە مال شارۋاشىلىعى سالاسىندا قالىپتاسقان جاعداي جانە قۇرعاقشىلىقتان زارداپ شەككەن اۋدانداردى جەم-شوپپەن قامتاماسىز ەتۋ بويىنشا جۇرگىزىلىپ جاتقان جۇمىستار تۋرالى بايانداماسىن تىڭداعان.
وبلىس اكىمىنىڭ ايتۋىنشا، اقتوبە، باتىس قازاقستان جانە قوستاناي سەكىلدى كورشىلەس وبلىستاردان ءشوپ جەتكىزۋ جانە وتكىزۋ جولعا قويىلعان. 1200 توننادان استام ارپا اكەلىنگەن، ولار فەرمەرلەرگە نارىقتىق باعادان تومەن باعامەن ساتىلدى. قر ۇكىمەتى ماڭعىستاۋ وبلىسىندا مالدىڭ انالىق باسىنا ارنالعان ازىققا جۇمسالعان شىعىنداردى ءىشىنارا وتەۋگە 1,9 ملرد تەڭگە ءبولدى.
ا. مامين اياقتالۋى وسى جىلدىڭ قازان ايىنا جوسپارلانعان، تۋريستىك ايماقتىڭ تىنىس-تىرشىلىگىن قامتاماسىز ەتۋگە ارنالعان ۇزىندىعى 49 كم قوسىمشا سۋ تاراتقىشتىڭ جانە ۇزىندىعى 33 كم كتق-1-دەن كتق-2-گە دەيىنگى قىسىمدى كاناليزاتسيالىق كوللەكتوردىڭ قۇرىلىس بارىسىمەن تانىستى. پرەمەر-مينيستر جوسپارلانعان نىسانداردىڭ، سونداي-اق كولىك جانە ينجەنەرلىك-كوممۋنيكاتسيالىق ينفراقۇرىلىمنىڭ قۇرىلىسىن ۋاقىتىلى اياقتاۋدى قامتاماسىز ەتۋدى تاپسىردى.
پرەمەر-مينيسترگە وڭىردەگى بالىق شارۋاشىلىعىن دامىتۋ، ونىڭ ىشىندە بەكىرە تۇقىمداس بالىق تۇرلەرىن ءوسىرۋ زاۋىتى قۇرىلىسىنىڭ پەرسپەكتيۆالىق جوبالارى، كاسپي تەڭىزىندە بالىق اۋلاۋدى ۇيىمداستىرۋ تۋرالى باياندالدى. سونىمەن قاتار ا. مامين بالىق جەمىن ءوندىرۋ جانە وتىرعىزۋ ماتەريالىن وندىرۋگە ارنالعان ينكۋباتسيالىق تسەحتى قۇرۋدى قوسا العاندا، جىلىنا 30 مىڭ تونناعا دەيىن بالىق ءوسىرۋ جانە قايتا وڭدەۋ بويىنشا زاماناۋي تەحنولوگيالاردى ەنگىزە وتىرىپ، «ءىنجۋ مارجان» شىعاناعىندا بالىق ءوسىرۋ كەشەنىن قۇرۋ جوباسىمەن تانىستى.
«اقتاۋ تەڭىز پورتى» اەا-دا ۇكىمەت باسشىسىنا جۇمساق قاپتاما ىدىس، پوليمەرلىك قاپتاما، سورعى شتانگالارى مەن مۋفتالار، كاۋستيكالىق سودا جانە قۇرامىندا حلورى بار ونىمدەر جانە ت. ب. ءوندىرۋ جونىندەگى ينۆەستيتسيالىق جوبالار تانىستىرىلدى.
پرەمەر-ءمينيستردىڭ «قۇرىق» پاروم كەشەنىن جانە «اقتاۋ» تەڭىز پورتىن ارالاۋى كەزىندە قازاقستاننىڭ ترانزيتتىك-كولىك الەۋەتىن دامىتۋ ماسەلەلەرى قارالدى. جۇكتەردى اۋىستىرىپ تيەۋ قۋاتى جىلىنا 6 ملن توننانى قۇرايدى.
ۇكىمەت باسشىسى ۇزىندىعى 24 شاقىرىم بولاتىن اقتاۋ-اۋەجاي ءبىرىنشى ساناتتاعى اۆتوموبيل جولىنىڭ سالىنۋ بارىسىن، سونداي-اق ۇزىندىعى 4,5 شاقىرىم بولاتىن «حوندا» ورتالىعىنان ومىرزاق اۋىلىنىڭ ت-ءتارىزدى قيىلىسىنا دەيىنگى قالالىق اۆتوموبيل جولىن رەكونسترۋكتسيالاۋ بارىسىن تەكسەردى. اتالعان ۋچاسكەلەردەگى بارلىق جۇمىس تۇرلەرىن تولىق اياقتاۋ بيىلعى جىلدىڭ ءبىرىنشى قىركۇيەگىنە جوسپارلانعان.
ا. مامين «ترانستەلەكوم» اق دەرەكتەردى وڭدەۋ ورتالىعىنىڭ جۇمىسىمەن تانىستى. جوبا قۇنى – 6,8 ملرد تەڭگە. ورتالىق Tier III دەڭگەيىنىڭ قاۋىپسىزدىك جانە سەنىمدىلىك ستاندارتتارىنا سايكەس كەلەدى. وسىنداي ورتالىقتار قازاقستاننىڭ 9 قالاسىندا: اقتاۋ، اتىراۋ، اقتوبە، ورال، قاراعاندى، جەزقازعان، قىزىلوردا، نۇر-سۇلتان جانە الماتى قالالارىندا سالىنعان. دەرەكتەردى وڭدەۋ ورتالىقتارى كليەنتتىك سەرۆەرلەردىڭ ۇزدىكسىز قىزمەتىن قامتاماسىز ەتۋگە، ەلدە تسيفرلاندىرۋ ءۇشىن تەحنولوگيالىق نەگىز بولۋعا ارنالعان.
"ادىرنا" ۇلتتىق پورتالى.
