رەسەي ءۇشىن: اقش تۇركياعا سانكتسيا سالماق

3616
Adyrna.kz Telegram

اقش-تىڭ مەملەكەتتىك حاتشىسىنىڭ ساياسي ىستەر بويىنشا ورىنباسارى ۆيكتوريا نۋلاند تۇركيا رەسەي قارۋلارىن الۋىن توقتاتپاسا، ۆاشينگتون سانكتسيالار سانىن ارتتىراتىنىن ايتتى. 

"ءبىز تۇركيا تاراپىنىڭ رەسەيلىك س-400 قارۋىن ساتىپ الۋىنا نارازىلىق ءبىلدىرۋىمىزدى جالعاستىرۋدامىز. رەسەيدەن كەز كەلگەن اۋقىمدى قارۋ ساتىپ الۋ، CAATSA زاڭىنا تۇركياعا قوسىمشا سانكتسيالار سالۋعا اكەلەدى.  تۇركياعا F-35 ۇشاقتارىن ساتۋ جانە بىرلەسە جاساۋ تۋرالى كەلىسىمدەر توقتاتىلعان كۇيىندە قالا بەرمەك. ءبىز ولارعا بۇل ماسەلەدەن شىعۋدىڭ سان جولىن ۇسىنۋدامىز جانە ونى جالعاستىراتىن بولامىز",  -دەدى نۋلاند.

تۇركيا ناتو مۇشەسى بولا تۇرا رەسەيلىك س-400 قارۋىن ساتىپ العان ەدى. بۇل انكارا مەن ۆاشينگتون اراسىنداعى قاراما-قايشىلىقتى تۋىنداتىپ، تۇركياعا سانكتسيا سالۋمەن جالعاستى.

"ادىرنا" ۇلتتىق پورتالى

 

پىكىرلەر