بيىلعى جىلدىڭ 6 ايداعى قورىتىندىسى بويىنشا ماڭعىستاۋ وبلىسى ۇزدىك ۇشتىكتىڭ قاتارىنا ەندى دەپ حابارلايدى "ادىرنا" ۇلتتىق پورتالىنىڭ ءتىلشىسى.
بۇل تۋرالى پرەزيدەنت قاسىم-جومارت توقاەۆتىڭ توراعالىعىمەن وتكەن ۇكىمەتىنىڭ كەڭەيتىلگەن وتىرىسىندا ايتىلدى.
جيىندا وبلىس اكىمدەرى اراسىندا العاش بولىپ ءسوز العان سەرىكباي ترۇموۆ وبلىستىڭ 6 ايداعى ەكونوميكالىق دامۋى جايىندا ەسەپ بەرىپ، وڭىردە بارلىق سالالاردا وڭ ديناميكا بايقالاتىنىن جەتكىزدى.
بيىل ماڭعىستاۋعا تارتىلعان ينۆەستيتسيا كولەمى 256,3 ملرد تەڭگەنى قۇراعان. وڭدەۋ ونەركاسىبىندەگى ءوندىرىس كولەمى 4,6%-عا ارتقان. اگرارلىق سەكتوردا 7 ميلليارد تەڭگەگە ءونىم وندىرىلگەن، بۇل 3% -عا ارتىق.
جىل باسىنان بەرى وبلىستا ەكى ينۆەستيتسيالىق جوبا ىسكە اسىرىلىپ، جىلىنا 5 مىڭ توننا قۇس ەتىن وندىرەتىن فابريكا جانە جىلىنا 15 مىڭ توننا جەم شىعاراتىن زاۋىت ىسكە قوسىلعان. ناتيجەسىندە 121 جاڭا جۇمىس ورنى قۇرىلعان.
"ادىرنا" ۇلتتىق پورتالى.
