قازاقستاندا ەت باعاسى ءبىر جىل ىشىندە 14%-عا قىمباتتاپ، سونىڭ ىشىندە كوبىنەسە الماتىدا تورتتەن ءبىر ەسەگە وسكەن. ماماندار بۇعان رەسپۋبليكا وڭىرلەرىنەن مال ەكسپورتتاۋ سەبەبىن اتايدى، دەپ حابارلايدى «ادىرنا» ۇلتتىق پورتالى Stan.kz اقپارات اگەنتتىگىنە سىلتەمە جاساپ.
Energyprom.kz-ءتىڭ زەرتتەۋىنە سايكەس، ماۋسىم ايىندا ەلىمىزدەگى بازارلار مەن دۇكەندەردە قوي ەتى كيلوگراممى 2300 تەڭگەدەن ساتىلدى جانە بۇل وتكەن جىلمەن سالىستىرعاندا 14,4%-عا قىمبات.
ەلىمىزدىڭ ءىرى قالالارى مەن مەگاپوليستەرىنىڭ اراسىندا ەڭ جوعارى باعالار الماتى مەن نۇر-سۇلتاندا بايقالدى: كيلوگراممىنا 2900 تەڭگە، سونىمەن بىرگە قاراعاندىدا كيلوگراممىنا 2600 تەڭگە. ال ەڭ ارزان باعالار كيلوگراممىنا 1700 تەڭگەمەن ورال مەن پەتروپاۆل قالالارىندا انىقتالدى.
ءبىر جىل ىشىندە قوي باعاسىنىڭ ەڭ ۇلكەن ءوسىمى الماتىدا (22,6%), باتىس قازاقستان جانە الماتى وبلىستارىندا بايقالعان.
2021 جىلدىڭ قاڭتار-ماۋسىم ايلارىندا 131,8 مىڭ توننا تىرىدەي سالماقتا جانە ەتتەي سالماعى بويىنشا 65,7 مىڭ توننا قوي سويىلعان.
سونىمەن قاتار التى ايدا قازاقستان 35,5 مىڭ توننا قوي ءجۇنىن العان، بۇل وتكەن جىلمەن سالىستىرعاندا 2,2% ارتىق كورسەتكىش. ولاردىڭ جارتىسىنان كوبى ءۇي شارۋاشىلىقتارىندا – 19,9 مىڭ توننا، ۇشتەن بىرىنەن كوبى – جەكە كاسىپورىنداردا جانە جەكە قوسالقى شارۋاشىلىقتاردا – 14,1 مىڭ توننا، اۋىلشارۋاشىلىق كاسىپورىندارىندا – 1,5 مىڭ توننا ءجۇن وندىرىلگەن.
قازاقستانداعى قوي شارۋاشىلىعى
2021 جىلدىڭ شىلدەسىنە دەيىنگى ەسەپ بويىنشا ەلىمىزدە 22,9 ميلليون قوي باسى بار. ونىڭ 11,8 ميلليونى ءۇي شارۋاشىلىعىنا، 9,9 ميلليونى جەكە كاسىپكەرلەر مەن شارۋا قوجالىقتارىنا، 1,2 ميلليونى اۋىلشارۋاشىلىق كاسىپورىندارىنا تيەسىلى.
ەڭ كوپ قوي باسى تۇركىستان وبلىسىندا – 5,5 ملن باس، الماتىدا – 4,3 ملن جانە جامبىلدا – 3,4 ملن.
ايتا كەتسەك، ەلگە ۇساق مالداردىڭ اسىل تۇقىمدى باسىن ەكسپورتتاۋعا تىيىم سالىندى. ۇكىمەت مۇددەلى مەملەكەتتىك ورگاندارمەن جانە ۇيىمدارمەن بىرگە قازاقستاننىڭ قوي وسىرۋشىلەرىنىڭ ۇلتتىق قاۋىمداستىعىنىڭ توراعاسى سادىرباەۆتىڭ ۇساق باستى مالداردى ەكسپورتتاۋعا تولىق تىيىم سالۋ تۋرالى ۇسىنىسىن قاراستىرۋدا. ولار ەل ىشىندەگى قوي ەتىنىڭ قىمباتتاۋىنىڭ نەگىزگى سەبەبى رەتىندە مال ەكسپورتىن كورسەتىپ وتىر.
"ادىرنا" ۇلتتىق پورتالى
