قازاقستان بيتكوين ءوندىرىسى بويىنشا كوشباسشىلاردىڭ ۇشتىگىنە كىردى

5205
Adyrna.kz Telegram

الەمدىك بيتكوين وندىرۋدە قىتايدىڭ ۇلەسى بيىل كۇرت تومەندەدى، ال قازاقستاننىڭ ۇلەسى ءوستى. كەمبريدج ۋنيۆەرسيتەتىنىڭ زەرتتەۋىنە سايكەس قازاقستان وسى سالاداعى ءۇشىنشى مەملەكەتكە اينالدى، دەپ حابارلايدى «ادىرنا» ۇلتتىق پورتالى.

كەمبريدجدىڭ بالامالى قارجى ورتالىعى جاريالاعان زەرتتەۋ كورسەتكەندەي، قىتايدىڭ ۇلەسىنە 46%-ى تيەسىلى بولدى. ال 2019 جىلدىڭ قىركۇيەگىندە 75,5%-دى قۇراعان بولاتىن.

وسى كەزەڭدە الەمدىك بيتكوين وندىرۋدە قازاقستاننىڭ ۇلەسى شامامەن التى ەسەگە، 1,4%-دان 8,2%-عا دەيىن ءوستى. سونىمەن قاتار اقش 4,8%-دان 16,8% -عا كوتەرىلىپ، ەكىنشى ورىنعا ورنالاسسا، رەسەي مەن يران بيتكوين وندىرۋشىلەردىڭ سانى بويىنشا ءتورتىنشى جانە بەسىنشى ورىنعا جايعاستى.

ايتا كەتەيىك، قازاقستانداعى ەلەكتر ەنەرگياسىنىڭ كوپ بولىگى ەلدىڭ سولتۇستىگىندەگى كومىر وندىرەتىن ايماقتارعا جاقىن شوعىرلانعان ستانتسيالاردان الىنادى. ولار 22 گيگاۆاتتتان استام ەلەكتر ەنەرگياسىن وندىرەدى.

"ادىرنا" ۇلتتىق پورتالى

پىكىرلەر