Álemdik bıtkoın óndirýde Qytaıdyń úlesi bıyl kúrt tómendedi, al Qazaqstannyń úlesi ósti. Kembrıdj ýnıversıtetiniń zertteýine sáıkes Qazaqstan osy saladaǵy úshinshi memleketke aınaldy, dep habarlaıdy «Adyrna» ulttyq portaly.
Kembrıdjdiń balamaly qarjy ortalyǵy jarııalaǵan zertteý kórsetkendeı, Qytaıdyń úlesine 46%-y tıesili boldy. Al 2019 jyldyń qyrkúıeginde 75,5%-dy quraǵan bolatyn.
Osy kezeńde álemdik bıtkoın óndirýde Qazaqstannyń úlesi shamamen alty esege, 1,4%-dan 8,2%-ǵa deıin ósti. Sonymen qatar AQSh 4,8%-dan 16,8% -ǵa kóterilip, ekinshi orynǵa ornalassa, Reseı men Iran bıtkoın óndirýshilerdiń sany boıynsha tórtinshi jáne besinshi orynǵa jaıǵasty.
Aıta keteıik, Qazaqstandaǵy elektr energııasynyń kóp bóligi eldiń soltústigindegi kómir óndiretin aımaqtarǵa jaqyn shoǵyrlanǵan stanııalardan alynady. Olar 22 gıgavatttan astam elektr energııasyn óndiredi.
"Adyrna" ulttyq portaly
