نۇر-سۇلتان قالاسىندا اقپارات جانە قوعامدىق دامۋ ءمينيسترى ايدا بالاەۆانىڭ توراعالىعىمەن اقپاراتقا قول جەتكىزۋ ماسەلەلەرى جونىندەگى كوميسسيانىڭ كەزەكتى وتىرىسى ءوتتى. قاشىقتان وتكەن وتىرىسقا ورتالىق مەملەكەتتىك جانە جەرگىلىكتى اتقارۋشى ورگانداردىڭ، كۆازيمەملەكەتتىك سەكتوردىڭ، ۇكىمەتتىك ەمەس جانە باسقا دا ۇيىمداردىڭ وكىلدەرى قاتىستى دەپ "ادىرنا" ۇلتتىق پورتالى قازاقپاراتقا سىلتەمە جاساي وتىرىپ حابارلايدى.
وتىرىس بارىسىندا اشىق ۇكىمەت پورتالدارىن جانە مەملەكەتتىك ورگانداردىڭ ينتەرنەت-رەسۋرستارىنىڭ بىرىڭعاي پلاتفورماسىن (مو يربپ) دامىتۋ، سونداي-اق مەملەكەتتىك ورگانداردىڭ مەملەكەتتىك اپپاراتتىڭ بيۋروكراتيالىعىن تومەندەتۋ جونىندەگى جول كارتاسىن ىسكە اسىرۋى تۋرالى اقپارات تىڭدالدى. قابىلدانىپ جاتقان شارالار مەن پروبلەمالىق ماسەلەلەر، ونىڭ ىشىندە مەملەكەتتىك ورگانداردىڭ «اشىق دەرەكتەر» پورتالدارىنداعى جانە مو يربپ-داعى رەسمي پاراقشاسىنداعى اقپاراتتى ۋاقىتىلى وزەكتەندىرمەۋى تۋرالى اقپارات جانە قوعامدىق دامۋ ۆيتسە-ءمينيسترى ب.ا. تلەپوۆ باياندادى.
ءوز كەزەگىندە مينيستر «اقپاراتقا قول جەتكىزۋ تۋرالى» زاڭعا سايكەس بارلىق مەملەكەتتىك ورگانداردا اقپاراتقا قول جەتكىزۋ ماسەلەلەرى بويىنشا انىقتالعان ۋاكىلەتتى تۇلعالار وسى ماسەلەلەردى باقىلاۋدا ۇستاۋى ءتيىس ەكەنىن اتاپ ءوتتى.
«دەمەك، ولاردىڭ تاراپىنان ءتيىستى مونيتورينگ، ۇيلەستىرۋ جانە باقىلاۋ جۇزەگە اسىرىلمايدى. بۇگىن مەملەكەتتىك ورگاندار باسشىلارىنىڭ نازارىن وسىعان اۋدارامىن»، - دەدى ايدا بالاەۆا.
سونىمەن قاتار تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى ا.ن.تۇرىسوۆ ءوز سوزىندە «اشىق ۇكىمەت» جانە مو يربپ پورتالدارىن ودان ءارى دامىتۋ، ولاردى ىسكە اسىرۋ تەتىكتەرى بويىنشا ۇسىنىستار جاسادى.
ءوز كەزەگىندە، ا. بالاەۆا مەملەكەتتىك ورگاندار وكىلدەرىنىڭ ەسكەرتۋلەرى مەن قوعامدىق سىن اشىق ۇكىمەت پەن مو يربپ پورتالدارىنىڭ جۇمىسىن دەرەۋ جەتىلدىرۋ قاجەتتىگىن ايعاقتاپ وتىرعانىن اتاپ ءوتتى. سونداي-اق مينيستر جەلتوقسان ايىندا كوميسسيا وتىرىسىندا ءتسدياوم-مەن اتقارىلعان جۇمىستار تۋرالى اقپاراتتى تىڭداۋدى ۇسىندى. وتىرىس قورىتىندىسى بويىنشا كوميسسيا اقپاراتتاندىرۋ سالاسىنداعى ۋاكىلەتتى ورگانعا جانە مەملەكەتتىك ورگاندارعا «اشىق ۇكىمەت» پورتالدارىمەن، مەملەكەتتىك ورگانداردىڭ ينتەرنەت-رەسۋرستارىنىڭ بىرىڭعاي پلاتفورماسىمەن جانە باسقالارمەن جۇمىس ساپاسىن كۇشەيتۋ بولىگىندە بىرقاتار ۇسىنىمدار ازىرلەدى.
اقپارات www.inform.kz سايتىنان الىندى
