جاقىندا جۇمىرتقا باعاسى قىمباتتاۋى مۇمكىن. سەبەبى تاۋىققا بەرەتىن جەم جوق. بۇل تۋرالى «ادىرنا» ۇلتتىق پورتالى Orda.kz سايتىنا سىلتەمە جاساپ حابارلادى.
بۇعان دەيىن فەرمەرلەر جۇمىرتقانىڭ قۇنى مىڭ تەڭگەگە جەتۋى مۇمكىن ەكەنىن ايتقان بولاتىن. قازاقستان جۇمىرتقا وندىرۋشىلەرى قاۋىمداستىعىنىڭ جەتەكشىسى ماكسيم بوجكو اۋىتقۋلار ءار جاڭا ماۋسىم ءۇشىن ءداستۇرلى ەكەنىن اتاپ ءوتتى. ونىڭ ايتۋىنشا، 2021 جىلدىڭ كۇزىندە قۇس فابريكالارىنىڭ ساتۋ باعاسى 35-40 تەڭگە بولدى، ال سورەلەرگە 500-600 تەڭگە باعامەن قويىلدى.
«10 دانا ءۇي جۇمىرتقاسىنىڭ باعاسى 1000 تەڭگە. بىراق مۇنداي باعا قۇس فابريكالارىنا جەتپەگەن. باعانىڭ 500 تەڭگەدەن جوعارى كوتەرىلۋى مۇمكىن، وعان جالعىز سەبەپ – استىق نارىعىنداعى جاعدايدىڭ ناشارلاۋى»، – دەپ ءتۇسىندىردى بوجكو.
ول جەم باعاسى وتكەن جىلدان باستاپ، قارقىندى قىمباتتاپ جاتقانىن ايتتى.
«شولاقساي-1» جشس-ءنىڭ باسشىسى، قوستاناي وبلىسى ءماسليحاتىنىڭ دەپۋتاتى، فەرمەر ءمادي يحتيلياپوۆ جۇمىرتقا باعاسىنا توقتالدى. ونىڭ ايتۋىنشا 2021 جىلى جەم باعاسى مىندەتتى تۇردە وسەدى. بارلىق اۋىلشارۋاشىلىق ونىمدەرى قىمباتتايدى.
«وتكەن جىلى ناۋرزۋم ايماعىنىڭ شارۋالارى ءشوپتىڭ تونناسىن 30 مىڭ تەڭگەدەن ساتتى. ءبىز حالىققا ونى 8 مىڭنان ساتتىق. كەبەكتىڭ موشەگى 2800 تەڭگە تۇرادى، بىزدە 1000. ال 50 مىڭ استىق قالدىقتارىن ءوز باعاسىنىڭ جارتىسىنا بەردىك. بۇل باعالار بۇگىندە ءبىز ءۇشىن وزەكتى»، – دەدى يحتيلياپوۆ.
سونىمەن قاتار كەيدە جۇمىسشىلار جەتىسپەۋشىلىگى بايقالادى. بارلىعى ەت پەن جۇمىرتقا جەگىسى كەلەدى، بىراق ەشكىم جۇمىس ىستەگىسى كەلمەيدى. ۋاقىت وتە كەلە كادر جەتىسپەيتىن بولادى. سونىمەن قاتار يحتيلياپوۆ شوپاندارعا ايىنا 300 مىڭ تەڭگە تولەمەسەڭ، ەشكىم جۇمىس ىستەمەيتىنىن اتاپ ءوتتى.
جوعارىدا ايتىلعانداردىڭ بارلىعى ازىق-تۇلىك باعاسىنىڭ وسۋىنە اكەلەدى.
"ادىرنا" ۇلتتىق پورتالى
