Jaqynda jumyrtqa baǵasy qymbattaýy múmkin. Sebebi taýyqqa beretin jem joq. Bul týraly «Adyrna» ulttyq portaly Orda.kz saıtyna silteme jasap habarlady.
Buǵan deıin fermerler jumyrtqanyń quny myń teńgege jetýi múmkin ekenin aıtqan bolatyn. Qazaqstan jumyrtqa óndirýshileri qaýymdastyǵynyń jetekshisi Maksım Bojko aýytqýlar ár jańa maýsym úshin dástúrli ekenin atap ótti. Onyń aıtýynsha, 2021 jyldyń kúzinde qus fabrıkalarynyń satý baǵasy 35-40 teńge boldy, al sórelerge 500-600 teńge baǵamen qoıyldy.
«10 dana úı jumyrtqasynyń baǵasy 1000 teńge. Biraq mundaı baǵa qus fabrıkalaryna jetpegen. Baǵanyń 500 teńgeden joǵary kóterilýi múmkin, oǵan jalǵyz sebep – astyq naryǵyndaǵy jaǵdaıdyń nasharlaýy», – dep túsindirdi Bojko.
Ol jem baǵasy ótken jyldan bastap, qarqyndy qymbattap jatqanyn aıtty.
«Sholaqsaı-1» JShS-niń basshysy, Qostanaı oblysy máslıhatynyń depýtaty, fermer Mádı Ihtılıapov jumyrtqa baǵasyna toqtaldy. Onyń aıtýynsha 2021 jyly jem baǵasy mindetti túrde ósedi. Barlyq aýylsharýashylyq ónimderi qymbattaıdy.
«Ótken jyly Naýrzým aımaǵynyń sharýalary shóptiń tonnasyn 30 myń teńgeden satty. Biz halyqqa ony 8 myńnan sattyq. Kebektiń móshegi 2800 teńge turady, bizde 1000. Al 50 myń astyq qaldyqtaryn óz baǵasynyń jartysyna berdik. Bul baǵalar búginde biz úshin ózekti», – dedi Ihtılıapov.
Sonymen qatar keıde jumysshylar jetispeýshiligi baıqalady. Barlyǵy et pen jumyrtqa jegisi keledi, biraq eshkim jumys istegisi kelmeıdi. Ýaqyt óte kele kadr jetispeıtin bolady. Sonymen qatar Ihtılıapov shopandarǵa aıyna 300 myń teńge tólemeseń, eshkim jumys istemeıtinin atap ótti.
Joǵaryda aıtylǵandardyń barlyǵy azyq-túlik baǵasynyń ósýine ákeledi.
"Adyrna" ulttyq portaly
