ماڭعىستاۋ وبلىسىندا ءىرى قۇس فابريكاسى ىسكە قوسىلىپ، برويلەردەن شىققان بالاپانداردىڭ العاشقى لەگى ءوسىرىلىپ، جاقىندا قۇس سويۋ جۇمىسى باستالماق دەپ حابارلايدى "ادىرنا" ۇلتتىق پورتالىنىڭ ءتىلشىسى.
وسىلايشا وبلىستا «كاسپي قۇس» اتاۋىمەن ۇسىنىلاتىن قۇس ەتى ونىمدەرىنىڭ العاشقى لەگى ساتىلىمعا شىعارىلماق. ونىمدەر وبلىستىڭ ءىرى ساۋدا جەلىلەرىندە ساتىلادى.
الداعى ۋاقىتتا «اقتاۋ اگرو» قۇس فابريكاسى جىلىنا 5 مىڭ توننا قۇس ەتىن وندىرەدى. ماڭعىستاۋ وبلىسىنىڭ جىلىنا شامامەن 11,5 مىڭ توننا قۇس ەتىن تۇتىناتىنىن ەسكەرسەك، جارتىسىنا جۋىعىن قامتۋعا مۇمكىندىك تۋادى.
«اقتاۋ اگرو» جشس ەكى باعىتتا جۇمىس ىستەيدى: ءبىرى قۇس ەتىن ءوندىرۋ بولسا، ەكىنشى باعىتى — قۇستار مەن مالعا ارنالعان جەم ءوندىرۋ.
ايتا كەتۋ كەرەك، اتالعان سەرىكتەستىكتە قۇس باعۋعا ارنالعان، قۇس سوياتىن، جەم شىعاراتىن جانە 30 مىڭ قۇس سياتىن تسەحتار بار.
"ادىرنا" ۇلتتىق پورتالى.
