تاشكەنتتە قۇقىق قورعاۋ ورگاندارى رەسەيلىك بلوگەرمەن بولعان فان-كەزدەسۋدى تاراتتى. بۇل تۋرالى جەرگىلىكتى بۇقارالىق اقپارات قۇرالدارى مالىمدەدى، دەپ حابارلايدى “ادىرنا” ۇلتتىق پورتالى.
وقيعانىڭ ۆيدەوسى الەۋمەتتىك جەلىدە تارادى. بەينەجازبادا تاشكەنت ورتالىعىنداعى ءامىر تەمۋر ەسكەرتكىشىنىڭ جانىنا كوپتەگەن جاستاردىڭ قالاي جينالعانى كورسەتىلگەن. كارانتيندىك شەكتەۋلەر تۋرالى ءتارتىپ ساقشىلارىنىڭ ەسكەرتۋىنە قاراماستان، جينالۋشىلار جينالىس وتەتىن جەردەن كەتپەدى. وسىدان كەيىن ءتارتىپ ساقشىلارى ولاردى تاراتا باستادى.
مالىمەت بويىنشا، رەسەيلىك بلوگەر سۋبامەن (سۋبحان مامەدوۆ) فان-كەزدەسۋ تاشكەنت ورتالىعىندا ءوتۋى كەرەك بولعان. بلوگەر ءوزىنىڭ بايقاۋىنىڭ ۇرگەنىشتەگى جەڭىمپازىنا سىيلىق تاپسىرۋ ءۇشىن وزبەكستانعا ۇشىپ كەلدى. سونداي-اق سۋبو ءوزىنىڭ جانكۇيەرلەرىنە سىيلىق تاراتۋ ءۇشىن تاشكەنتتە فان-كەزدەسۋ وتكىزگىسى كەلدى.
جاقىندا وزبەكستاندا ەپيدەميولوگيالىق احۋال ناشارلاي باستادى. جەرگىلىكتى اقپارات قۇرالدارىنىڭ حابارلاۋىنشا، كوپتەگەن اۋرۋحانالار تولى. ۇكىمەت پاتسيەنتتەرگە كومەكتەسۋ ءۇشىن تاراتۋ ورتالىقتارىن اشىپ جاتىر. بۇعان دەيىن رەسپۋبليكالىق كوميسسيا كارانتيندىك شارالاردى كۇشەيتكەن.
