رەسەي قازاقستانعا 136 ميلليارد تەڭگە وتەماقى تولەدى

3351

قازاقستانعا تيەسىلى يادرولىق وقتۇمسىقتان تاركىلەنگەن ۋران بولىگى ءۇشىن رەسەي ءبىزدىڭ ەلگە 130 ميلليارد تەڭگەدەن استام (شامامەن 305 ميلليون دوللار) وتەماقى تولەدى. بۇل تۋرالى ۇلتتىق قاۋىپسىزدىك كوميتەتىنىڭ توراعاسى كارىم ءماسىموۆ مالىمدەدى، دەپ حابارلايدى «ادىرنا» ۇلتتىق پورتالى Stan.kz اقپارات اگەنتتىگىنە سىلتەمە جاساپ.

«قازاقستانداعى قۇزىرلى ورگانداردىڭ الدىندا يادرولىق قارۋسىزداندىرۋ باعدارلاماسى اياسىندا وقتۇمسىقتاردان رەسەيلىك تاراپ تاركىلەگەن قازاقستاندىق ۋران ۇلەسى ءۇشىن اقشالاي وتەماقى الۋ تۋرالى وزەكتى ماسەلە تۇردى. ناتيجەسى – بيۋدجەتكە 136,1 ميلليارد تەڭگە كولەمىندە قاراجات ءتۇستى»، – دەدى ءماسىموۆ.

ونىڭ ايتۋىنشا، ورتاازيالىق رەسپۋبليكالاردىڭ بىرىندەگى ارنايى قىزمەتپەن ىنتىماقتاستىق ناتيجەسىندە قازاقستان ۇقك يادرولىق ماتەريالداردىڭ زاڭسىز اينالىمىمەن اينالىسقان ترانسۇلتتىق قىلمىستىق توپتىڭ جولىن كەستى.

«ول قىلمىستىق توپ قۇرامىندا ورتالىق ازيا ەلدەرىنىڭ ازاماتتارى بولعان»، – دەپ حابارلادى ۇقك ءباسپاسوز قىزمەتى.

جالپى 2020 جىلدىڭ وزىندە-اق مەملەكەتتىك ەكونوميكالىق دامۋ باعدارلامالارىن باقىلاۋ، سونداي-اق شەتەلدىك ينۆەستورلار، قارجى-ونەركاسىپتىك توپتار مەن ترانسۇلتتىق كومپانيالاردىڭ جۇمىسىن قاداعالاۋ اياسىندا ەل بيۋدجەتىندەگى 925,3 ميلليارد تەڭگە (2,1 ميلليارد دوللار) شىعىننىڭ الدىن الۋ مۇمكىن بولدى. سونداي-اق مەملەكەت پايداسىنا 147,23 ميلليارد تەڭگە (شامامەن 345 ميلليون دوللار) كىرىس كىردى.

"ادىرنا" ۇلتتىق پورتالى

پىكىرلەر
رەداكتسيا تاڭداۋى