Qazaqstanǵa tıesili ıadrolyq oqtumsyqtan tárkilengen ýran bóligi úshin Reseı bizdiń elge 130 mıllıard teńgeden astam (shamamen 305 mıllıon dollar) ótemaqy tóledi. Bul týraly Ulttyq qaýipsizdik komıtetiniń tóraǵasy Kárim Másimov málimdedi, dep habarlaıdy «Adyrna» ulttyq portaly Stan.kz aqparat agenttigine silteme jasap.
«Qazaqstandaǵy quzyrly organdardyń aldynda ıadrolyq qarýsyzdandyrý baǵdarlamasy aıasynda oqtumsyqtardan reseılik tarap tárkilegen qazaqstandyq ýran úlesi úshin aqshalaı ótemaqy alý týraly ózekti másele turdy. Nátıjesi – bıýdjetke 136,1 mıllıard teńge kóleminde qarajat tústi», – dedi Másimov.
Onyń aıtýynsha, ortaazııalyq respýblıkalardyń birindegi arnaıy qyzmetpen yntymaqtastyq nátıjesinde Qazaqstan UQK ıadrolyq materıaldardyń zańsyz aınalymymen aınalysqan transulttyq qylmystyq toptyń jolyn kesti.
«Ol qylmystyq top quramynda Ortalyq Azııa elderiniń azamattary bolǵan», – dep habarlady UQK baspasóz qyzmeti.
Jalpy 2020 jyldyń ózinde-aq memlekettik ekonomıkalyq damý baǵdarlamalaryn baqylaý, sondaı-aq sheteldik ınvestorlar, qarjy-ónerkásiptik toptar men transulttyq kompanııalardyń jumysyn qadaǵalaý aıasynda el bıýdjetindegi 925,3 mıllıard teńge (2,1 mıllıard dollar) shyǵynnyń aldyn alý múmkin boldy. Sondaı-aq memleket paıdasyna 147,23 mıllıard teńge (shamamen 345 mıllıon dollar) kiris kirdi.
"Adyrna" ulttyq portaly
