وككۋپاتسيالانعان قىرىمدا قازىرگى تاڭدا 700 مىڭنان استام رەسەيلىك زاڭسىز تۇرىپ جاتىر. ۋكراينا بيلىگى قىرىمدى قايتارعاننان كەيىن ولارعا نە ىستەيتىنىن ويلاستىرۋدا.
ۋكراينا بيلىگىنىڭ اقپاراتىنا ساي قىرىمدا قازىرگى تاڭدا زاڭسىز تۇردە 700 مىڭنان باستاپ 1 ميلليونعا دەيىن رەسەيلىك ازاماتتار زاڭسىز تۇرىپ جاتىر. بۇل تۋرالى ارنايى باعدارلامادا ۋكراينانىڭ ۆيتسە-پرەمەرى الەكسەي رەزنيكوۆ ايتتى. قازىرگى تاڭدا قىرىمدا 2,5 ميلليون ادام تۇرادى.
رەزنيكوۆتىڭ سوزىنشە مينيسترلەر كابينەتى بىرنەشە نۇسقانى قاراستىرىپ جاتىر، باسىم بولىگى دەپورتاتسيالاۋدى قولدايتىن كورىنەدى.
ء"بىزدىڭ بۇل ماسەلەدە پوزيتسيامىز ءارتۇرلى. مەن زاڭسىز تۇرعانداردى شىعارۋدى قۇقىق اياسىندا ىسكە اسىرۋدى قولدايمىن. ەگەر ولار قىرىمعا "چونگار", "كالانچاك" جانە "چاپلينكا" ارقىلى كىرمەسە، ياعني زاڭسىز كىرگەن بولسا، وندا ولاردى شىعارۋ كەرەك. كەيبىر جاندار قۋىپ شىعۋ كەرەكپىز دەيدى", — دەدى مينيستر.
بۇعان دەيىن پرەزيدەنت ءوفيسىن باسقاراتىن يگور جوۆكوۆ قىرىمداعى رەسەيلىكتەردى شىعارمايتىنىن ايتقان بولاتىن. ونىڭ سوزىنشە بۇل ادام قۇقىعىن تاپتاۋ بولىپ سانالادى.
"ادىرنا" ۇلتتىق پورتالى
