سمارتفونداردى 10 جىل ىشىندە ۇزدىكسىز پايدالانۋ قاتەرلى ىسىك اۋرۋىنىڭ پايدا بولۋ قاۋپىن 60% -عا دەيىن ارتتىرادى دەپ حابارلايدى "ادىرنا" ۇلتتىق پورتالى.
مۇنداي تاڭقالارلىق جاڭا زەرتتەۋدى بەركليدەگى كاليفورنيا ۋنيۆەرسيتەتىنىڭ ماماندارى قولعا العان. ولار اتالعان داۋلى زەرتتەۋدە ۇيالى تەلەفوننىڭ قولدانىلۋى مەن ادام دەنساۋلىعىنا قاتىستى 46 ءتۇرلى زەرتتەۋگە ستاتيستيكالىق تالداۋ جاساعان.
"ولار ون جىل بويى سمارتفوندى 1000 ساعات نەمەسە كۇنىنە 17 مينۋتتاي پايدالانۋ ونكولوگيالىق ىسىكتەردىڭ پايدا بولۋ قاۋپىن 60%-عا ارتتىراتىندىعىن انىقتادى، سترەسس اقۋىزدارىنىڭ ءتۇزىلۋى ەكسترەمالدى جاعدايدا دنق-نى زاقىمدايدى، ىسىكتەردى قوزدىرادى جانە جاسۋشالاردى ولتىرەدى" — دەلىنگەن "Daily Mail-دە".
بەركليدىڭ ماماندارى اقش-تىڭ، شۆەتسيانىڭ، ۇلىبريتانيانىڭ، جاپونيانىڭ، وڭتۇستىك كورەيانىڭ جانە جاڭا زەلانديانىڭ ۇيالى تەلەفون بايلانىسى مەن تۇرعىندارىنىڭ دەنساۋلىق جاعدايلارى تۋرالى تولىق مالىمەت الۋ ءۇشىن جۇرگىزگەن زەرتتەۋلەرىن قاراستىرعان.
زەرتتەۋ اۆتورى دجوەل موسكوۆيتستىڭ پايىمداۋىنشا، ادامدار سمارتفونداردى ءۇزىلىسسىز قولدانۋدى بارىنشا ازايتۋى كەرەك. ۇيالى تەلەفونداردى پايدالانۋ ۋاقىتىن ازايتىپ، ولاردى دەنەدەن اۋلاق ۇستاۋ كەرەك جانە مۇمكىندىگىنشە قوڭىراۋلار ءۇشىن ستاتسيونارلىق تەلەفوندى قولدانعان ءجون.
"ادىرنا" ۇلتتىق پورتالى.
