Smartfondardy 10 jyl ishinde úzdiksiz paıdalaný qaterli isik aýrýynyń paıda bolý qaýpin 60% -ǵa deıin arttyrady dep habarlaıdy "Adyrna" ulttyq portaly.
Mundaı tańqalarlyq jańa zertteýdi Berklıdegi Kalıfornııa ýnıversıtetiniń mamandary qolǵa alǵan. Olar atalǵan daýly zertteýde uıaly telefonnyń qoldanylýy men adam densaýlyǵyna qatysty 46 túrli zertteýge statıstıkalyq taldaý jasaǵan.
"Olar on jyl boıy smartfondy 1000 saǵat nemese kúnine 17 mınýttaı paıdalaný onkologııalyq isikterdiń paıda bolý qaýpin 60%-ǵa arttyratyndyǵyn anyqtady, stress aqýyzdarynyń túzilýi ekstremaldy jaǵdaıda DNQ-ny zaqymdaıdy, isikterdi qozdyrady jáne jasýshalardy óltiredi" — delingen "Daily Mail-de".
Berklıdiń mamandary AQSh-tyń, Shveııanyń, Ulybrıtanııanyń, Japonııanyń, Ońtústik Koreıanyń jáne Jańa Zelandııanyń uıaly telefon baılanysy men turǵyndarynyń densaýlyq jaǵdaılary týraly tolyq málimet alý úshin júrgizgen zertteýlerin qarastyrǵan.
Zertteý avtory Djoel Moskovıtiń paıymdaýynsha, adamdar smartfondardy úzilissiz qoldanýdy barynsha azaıtýy kerek. Uıaly telefondardy paıdalaný ýaqytyn azaıtyp, olardy deneden aýlaq ustaý kerek jáne múmkindiginshe qońyraýlar úshin staıonarlyq telefondy qoldanǵan jón.
"Adyrna" ulttyq portaly.
