قازاقستاندىق بوكسشى نيكولاي شۆاب (6-0, 3 كو) ماياميدە (اقش، فلوريدا) وتكەن بوكس كەشىندە ونەر كورسەتتى، دەپ حابارلايدى "ادىرنا" پورتالى Sports.kz-كە سىلتەمە جاساپ.
شۆاب امەريكالىق روندەيل حاببەرتپەن (13-17-2, 8 كو) رينگكە شىقتى. جەڭىل سالماقتاعى بۇل كەزدەسۋ التى راۋندقا ەسەپتەلدى جانە قازاقستاندىقتىڭ جەڭىسىمەن اياقتالدى.
وسىلايشا، نيكولاي شۆاب پروف-رينگتەگى جەتىنشى جەڭىسكە جەتتى، ال روندەيل حاببەرت ون سەگىزىنشى جەڭىلىسكە ۇشىرادى.
بۇل شۆاب ءۇشىن 2021 جىلعى ەكىنشى جەكپە-جەك بولعانىن قوسامىز - بۇعان دەيىن ول مەكسيكالىق كارلوس حيمەنەسپەن (1-1-1, 0 KO) مامىر ايىندا جەكپە-جەك وتكىزىپ، ونى قازىلاردىڭ ءبىراۋىزدان كەلىسىلگەن شەشىمىمەن جەڭىپ شىققان بولاتىن.
"ادىرنا" ۇلتتىق پورتالى
