بۇگىن حالىقارالىق تۇركى اكادەمياسىنا بۇۇ باس اسسامبلەياسىنىڭ توراعاسى ۆولكان بوزكىر ارنايى كەلدى دەپ حابارلايدى «ادىرنا» ۇلتتىق پورتالى.
مارتەبەلى مەيماندى تۇركى اكادەمياسىنىڭ پرەزيدەنتى دارحان قىدىرالى قارسى الدى.
تۇركى اكادەمياسىنىڭ كىتاپحاناسىمەن جانە ونداعى مول كىتاپ قورىمەن تانىستىرعان اكادەميا باسشىسى بۇۇ باس اسسامبلەياسىنىڭ توراعاسىنا ۇيىمنىڭ جۇمىسى تۋرالى كەڭ مالىمەت بەردى.
ءوز كەزەگىندە كورنەكتى ديپلومات ۆولكان بوزكىر تۇركى تىلدەس ەلدەر اراسىنداعى ىنتىماقتاستىقتى نىعايتۋدا اكادەميانىڭ ايرىقشا ماڭىزدى ۇيىم ەكەنىنە توقتالىپ، اتقارىلعان جۇمىستارعا ريزاشىلىعىن ءبىلدىردى.
اكادەميا باسشىسى مەيمانعا ارنايى قۇرمەت كورسەتىپ، تۇركى اكادەمياسى جارىققا شىعارعان باعالى باسىلىمداردى تارتۋ ەتتى.
