6 جاسار قىز ەلەكتر توعىنان كوز جۇمدى

2272
Adyrna.kz Telegram

ءاليا ناۋبەتوۆانىڭ 6 جاسار قىزى ايا بىرنەشە اپتا بۇرىن اۋلادا ويناپ ءجۇرىپ قايتىس بولدى. وقيعاعا بايلانىستى تەرگەۋ ءىسى ءۇش ايعا سوزىلعان. قىزدىڭ اناسى تەرگەۋ ىسىنە نارازىلىعىن ءبىلدىردى، دەپ حابارلايدى «ادىرنا» ۇلتتىق پورتالى Stan.kz-كە سىلتەمە جاساپ.

اناسى ءبىرىنشى تەرگەۋشى قىزدىڭ اناسىن حاباردار ەتپەستەن بۇرىن ءىستى ارىپتەسىنە بەرە سالعانىن ايتتى. ال باسقا پوليتسيا قىزمەتكەرى ءۇشىنشى اي بويى ساراپتاما جۇرگىزىپ كەلىپتى. الايدا ناقتى ەشتەڭە ايتپاعان.

ءاليا ناۋبەتوۆانىڭ قىزى اعاسىنىڭ كوزىنشە كوز جۇمعان. سول كۇنى ايەل بالالارىن ەرتىپ الىپ، تاتەسىنىڭ ۇيىنە قوناققا بارادى. ادەتتە ونىڭ قىزى ءۇيدىڭ اۋلاسىندا عانا ويناپ جۇرگەن. بىراق سول كۇنى ول اعاسىمەن بىرگە اۋلادان شىعىپ، كورشىلەرىنىڭ ءۇيىنىڭ جانىنداعى اتكەنشەككە بارىپ ويناعان.

«ۇلىم العاشىندا ونىڭ مەرت بولعانىن بىلمەدى. كورشى ءۇيدىڭ جانىنداعى كوشەدە بىرگە ويناپ جۇرگەن. ايا قۇلاعاننان كەيىن ونى قولىنا الىپ، ۇيگە اپارىپ توسەككە جاتقىزعانىن ايتتى. سودان كەيىن ۇلكەندەرگە قارىنداسىنىڭ قۇلاپ، ۇيىقتاپ جاتقانىن جەتكىزگەن. ول ونى سوڭعى رەت ءتىرى كورگەنىن دە تۇسىنبەدى»، — دەيدى قىزدىڭ اناسى.

ايەل كورشى ۇيگە باراتىن گاز قۇبىرى كوپتەگەن جىلدار بويى بولعانىن جانە ەشقاشان ەشكىمدى ەلەكتر توعىمەن ۇرماعانىن ايتادى.

«ءۇيدىڭ بۇرىنعى يەلەرىنىڭ بالالارى ءجيى ويناپ جۇرەتىن. ءتىپتى بالالارعا ارنالعان اتكەنشەكتەر ءىلدى»، – دەيدى ايەل.

ورال پوليتسيا دەپارتامەنتىندە قايتىس بولۋ فاكتىسى بويىنشا تەرگەۋ ءجۇرىپ جاتقانىن ايتتى. بۇعان دەيىن قازاقستان رەسپۋبليكاسى قىلمىستىق كودەكسىنىڭ 306-بابىنىڭ ءۇشىنشى بولىگى «ابايسىزدا ادام ولىمىنە اكەپ سوققان، قاۋىپسىزدىك تالاپتارىنا ساي كەلمەيتىن تاۋارلار شىعارۋ نەمەسە ساتۋ، جۇمىستار ورىنداۋ نە قىزمەتتەر كورسەتۋ» بويىنشا ءىس قوزعالىپ، سوتقا دەيىنگى تەرگەۋ باستالدى. كىنالى ادامعا سەگىز جىلعا دەيىن باس بوستاندىعىنان ايىرۋ قاۋپى ءتونىپ تۇر.

پوليتسيا سوت-مەديتسينالىق ساراپتاما جۇرگىزىلگەنىن، ول قىزدىڭ ەلەكتر توعىنىڭ اسەرىنەن قايتىس بولعانىن انىقتاعاندارىن حابارلادى. تەرگەۋشىلەر تاعى بىرنەشە تەحنيكالىق ساراپتامالاردىڭ ناتيجەلەرىن كۇتۋدە.

"ادىرنا" ۇلتتىق پورتالى

پىكىرلەر