شىمكەنتتەگى «وردا» جانە «ميراس» ۋنيۆەرسيتەتتەرى باس ليتسەنزياسىنان ايىرىلدى. بۇل تۋرالى ءبىلىم جانە عىلىم سالاسىنداعى ساپانى قامتاماسىز ەتۋ كوميتەتىنىڭ جوعارى جانە جوعارى وقۋ ورنىنان كەيىنگى ءبىلىم بەرۋ سالاسىنداعى باقىلاۋ باسقارماسىنىڭ باسشىسى ەلۆيرا ساپاربەكوۆا ايتتى، دەپ حابارلايدى «ادىرنا» ۇلتتىق پورتالى.
ونىڭ ايتۋىنشا، 2020 جىلى «وردا» جانە «ميراس» ۋنيۆەرسيتەتتەرىن تەكسەرۋ بارىسىندا ءبىلىم سالاسىنداعى زاڭنامانى ورەسكەل بۇزۋ فاكتىلەرى انىقتالعان. جوعارى وقۋ ورىندارىنىڭ قىزمەتى توقتاتىلىپ، انىقتالعان بۇزۋشىلىقتاردى جويۋعا ۋاقىت بەرىلىپتى. الايدا جوعارى وقۋ ورىندارى قاتەلىكپەن جۇمىس جاساماعان. 8 اي كوميتەتتىڭ ليتسەنزيانى توقتاتا تۇرۋ تۋرالى شەشىمىنە شاعىمدانۋمەن اينالىستى.
شىمكەنت قالاسىنىڭ مامانداندىرىلعان اۋدانارالىق اكىمشىلىك سوتى 1 شىلدەدە ەكى جوعارى وقۋ ورنى باس ليتسەنزياسىنان ايىرۋ تۋرالى شەشىم شىعاردى.
ايتا كەتەيىك، بۇل ۋنيۆەرسيتەتتەر تۇلەكتەرىنە ديپلوم بەرە المايدى. وقۋدى اياقتاۋ ءۇشىن ستۋدەنتتەرگە باسقا ۋنيۆەرسيتەتتەرگە اۋىسۋعا بولادى.
"ادىرنا" ۇلتتىق پورتالى
