بۇرىنعى دەنساۋلىق ساقتاۋ ءمينيسترى ەلجان ءبىرتانوۆ پەن ەكس ۆيتسە-مينيستر ولجاس ابىشەۆكە قاتىستى سوتقا دەيىنگى تەرگەۋ اياقتالدى دەپ حابارلايدى "ادىرنا" ۇلتتىق پورتالى «حابار 24-كە» سىلتەمە جاساپ.
ولار مينيسترلىكتىڭ جاڭا اقپاراتتىق پلاتفورماسىن جارامسىز كۇيىندە قابىلداپ، پايدالانۋعا بەردى دەگەن ايىپپەن بىلتىر قاماۋعا الىنعان. ياعني ەكەۋى دە قىزمەتتىك وكىلەتتىگىن اسىرا پايدالانعانى ءۇشىن ءىستى بولدى.
ءمالىم بولعانداي، جاڭا پلاتفورما دەنساۋلىق ساقتاۋ سالاسىنداعى تۇيتكىلدەردى جەدەل شەشۋ ءۇشىن ناۋقاستار، ءدارى-دارمەكتەر مەن مەديتسينالىق بۇيىمداردىڭ مالىمەتتەر قورىن بىرىزدەندىرۋى ءتيىس ەدى. الايدا اقپاراتتىق جۇيە ءالى ىسكە قوسىلماعان.
قارجىلىق مونيتورينگ اگەنتتىگى كەلتىرگەندەي، 1,5 ملرد تەڭگە ماقساتتى يگەرىلمەدى. بۇدان بولەك، ەلجان ءبىرتانوۆ بىلتىر ماۋسىمدا ساناۆياتسيا ۇشاعىن جەكە ماقساتتا پايدالانعانى ءۇشىن جاۋاپقا تارتىلىپ وتىر.
بۇل ماسەلەنىڭ ءمان-جايى ەندى سوتتا بەلگىلى بولماق.
"ادىرنا" ۇلتتىق پورتالى.
