2021 جىلعى 5 شىلدەدە تاراز قالالىق پب پاترۋلدىك پوليتسيا باتالونىنىڭ اعا سەرجانتى بەكجان مامىرۇلى تىلەنشيەۆ قايتىس بولدى. ول وسىدان 5 جىل بۇرىن اسا قاۋىپتى قىزمەتكەردى ۇستاۋ كەزىندە جاراقات العان، دەپ حابارلايدى «ادىرنا» ءتىلشىسى.
بەكجان 1989 جىلى 22 قازاندا جامبىل وبلىسى، جۋالى اۋدانى، شاقپاق-اتا اۋىلىندا دۇنيەگە كەلگەن. الماتى مەملەكەتتىك بيزنەس كوللەدجىن بىتىرگەننەن كەيىن 2010 جىلى قر قارۋلى كۇشتەرى قاتارىنا شاقىرىلعان.
قۇقىق قورعاۋ ورگاندارىنداعى قىزمەتىن 2013 جىلعى 19 ناۋرىزدا باستاعان.
«19.06.2016 جىلى تاراز قالاسىندا اسا قاۋىپتى قارۋلى قىلمىسكەرلەردى ۇستاۋ كەزىندە پوليتسيا اعا سەرجانتىنىڭ موينى مەن كەۋدەسىنە وق ءتيىپ، جاراقات الدى. كورسەتكەن ەرلىگى ءۇشىن سول جىلى ەلباسى ن.ءا. نازارباەۆتىڭ جارلىعىمەن قازاقستان رەسپۋبليكاسىنىڭ مەملەكەتتىك ناگراداسى - "ەرلىگى ءۇشىن" مەدالىمەن ماراپاتتالدى»،– دەپ جازدى وبلىستىق پد ءباسپاسوز قىزمەتى.
«ادىرنا» ۇجىمى مارقۇمنىڭ وتباسى مەن تۋىستارىنا كوڭىل ايتادى!
«ادىرنا» ۇلتتىق پورتالى
