قوستاناي وبلىسى رۋدنىي قالاسىندا ون ادام ەكى جىگىتتى جابىلىپ ۇرىپ تاستاعان. پوليتسەيلەردىڭ ايتۋىنشا، جابىرلەنۋشىنىڭ ءبىرى دۇكەنگە جەيدەسىز كىرىپ، سونداعى ءبىر ازامات وعان ەسكەرتۋ جاساعان، دەپ حابارلايدى «ادىرنا» ۇلتتىق پورتالى كتك ارناسىنا سىلتەمە جاساپ.
«قازىر ۆيدەونى زەردەلەپ جاتىرمىز. تەك سودان كەيىن قۇقىقتىق باعا بەرىلەدى. ونىڭ ۇستىنە جاراقات العان ازاماتتاردىڭ اۋرۋحانادان شىقانىن كۇتەمىز. ساراپتاما جاسالۋعا ءتيىس. سونىڭ ناتيجەسىمەن تاعى بىرنەشە باپپەن ءىس قوزعالۋى مۇمكىن. ازىرگە بۇزاقىلىق بابى بويىنشا قارالىپ جاتىر»، – دەدى قوستاناي وبلىسى پد بەرگەۋ باسقارماسىنىڭ ءبولىم باستىعى ارتەم تكاچەنكو.
وقيعا 2-شىلدەدە تۇندە بولعان. ەكى جىگىتتى ءبىر توپ ازاماتتىڭ جابىلىپ، تەپكىنىڭ استىنا العانى تۇسىرىلگەن ۆيدەو الەۋمەتتىك جەلىدە تارالعان. بەينەجازبادان ەكى جىگىتتىڭ وڭباي تاياق جەگەنى كورىنەدى. ارتىنشا جابىرلەنۋشىلەردىڭ تۋىستارى ۇندەۋ تاستاپ، بۇزاقىلاردى قاتاڭ جازاعا تارتۋدى تالاپ ەتكەن. بىرەۋىنىڭ ميى شايقالىپ، ەكىنشىسىنىڭ جاعى سىنىپ اۋرحانادا جاتىر. ال وزىنەن 5-6 جاس ۇلكەن جىگىتتەردى ساباعان 17-19 جاس ارالىعىنداعى ازاماتتار. ولاردىڭ تورتەۋى كۇدىكتى رەتىندە تەرگەلىپ جاتىر.
"ادىرنا" ۇلتتىق پورتالى
(فوتو Stan.kz سايتىنان)
