Qostanaı oblysy Rýdnyı qalasynda on adam eki jigitti jabylyp uryp tastaǵan. Polıeılerdiń aıtýynsha, jábirlenýshiniń biri dúkenge jeıdesiz kirip, sondaǵy bir azamat oǵan eskertý jasaǵan, dep habarlaıdy «Adyrna» ulttyq portaly KTK arnasyna silteme jasap.
«Qazir vıdeony zerdelep jatyrmyz. Tek sodan keıin quqyqtyq baǵa beriledi. Onyń ústine jaraqat alǵan azamattardyń aýrýhanadan shyqanyn kútemiz. Saraptama jasalýǵa tıis. Sonyń nátıjesimen taǵy birneshe bappen is qozǵalýy múmkin. Ázirge buzaqylyq baby boıynsha qaralyp jatyr», – dedi Qostanaı oblysy PD bergeý basqarmasynyń bólim bastyǵy Artem Tkachenko.
Oqıǵa 2-shildede túnde bolǵan. Eki jigitti bir top azamattyń jabylyp, tepkiniń astyna alǵany túsirilgen vıdeo áleýmettik jelide taralǵan. Beınejazbadan eki jigittiń ońbaı taıaq jegeni kórinedi. Artynsha jábirlenýshilerdiń týystary úndeý tastap, buzaqylardy qatań jazaǵa tartýdy talap etken. Bireýiniń mıy shaıqalyp, ekinshisiniń jaǵy synyp aýrhanada jatyr. Al ózinen 5-6 jas úlken jigitterdi sabaǵan 17-19 jas aralyǵyndaǵy azamattar. Olardyń tórteýi kúdikti retinde tergelip jatyr.
"Adyrna" ulttyq portaly
(foto Stan.kz saıtynan)
