باستى بەت
جاڭالىقتار
اۋلادا تۇرعان كولىكتە كوز جۇمعان

اۋلادا تۇرعان كولىكتە كوز جۇمعان

04.07.2021

3363

https://adyrna.kz/content/uploads/2021/07/resejde.jpg

رەسەيدە ەكى كىشكەنتاي قىز كۇننىڭ ىستىعىندا اۋلادا تۇرعان كولىكتە كوز جۇمعان دەپ حابارلايدى "ادىرنا" ۇلتتىق پورتالى "ريا نوۆوستيگە" سىلتەمە جاساپ.

قايعىلى وقيعا رەسەيدىڭ روستوۆ وبلىسىنىڭ كامەنسكي اۋدانىندا بولعان.

تەرگەۋ مالىمەتىنشە، سەنبى كۇنى 2017 جانە 2019 جىلى تۋعان ەكى قىز اۋلادا ويناپ ءجۇرىپ،  كەيىن  كولىككە وتىرعان. اناسى ولاردى تابا الماي، پوليتسياعا حابارلاسقان. ارتىنشا ەكى قىز كولىكتەن تابىلعان، ەكەۋى وقيعا ورنىندا قايتىس بولعان.
"الدىن الا مالىمەت بويىنشا، ولاردىڭ قايتىس بولۋىنا جوعارى تەمپەراتۋرا سەبەپ بولعان", - دەيدى تەرگەۋ كوميتەتىنىڭ وكىلى.
بۇگىندە سوت-مەديتسينالىق ساراپتاما تاعايىندالىپ، تەرگەۋ امالدارى جۇرگىزىلۋدە.

ايتا كەتۋ كەرەك، ماۋسىمنىڭ ورتاسىنان بەرى روستوۆ وبلىسىندا كۇن قاتتى ىسىعان. سەنبىدە قۇتقارۋشىلار داۋىلدى ەسكەرتۋ جاريالاعان. ولاردىڭ مالىمەتىنشە، وبلىستىڭ وڭتۇستىك جانە شىعىس ايماعىندا اۋا تەمپەراتۋراسى 40 گرادۋسقا دەيىن جەتكەن.

"ادىرنا" ۇلتتىق پورتالى.