قازاقستاننىڭ ۇلتتىق وليمپيادالىق كوميتەتى توكيودا وتەتىن جازعى وليمپيادا ويىندارىندا قازاقستاننىڭ وليمپيادالىق قۇراماسىنىڭ فورماسىن تانىستىردى. وتاندىق وليمپياداشىلار وليمپيادا ويىندارىنا قازاقستاندىق جانە شەتەلدىك ماماندار ارنايى دايىنداعان كيىممەن اتتانادى، دەپ حابارلايدى «ادىرنا» ۇلتتىق پورتالى.
"Salta" برەندىمەن تانىمال سالتانات بايمۇحامەدوۆا وليمپيادالىق كيىمنىڭ سالتاناتتى فورماسىنىڭ ديزاينەرى بولدى. قازاقستاندىق سپورتشىلارعا ارنالعان سپورتتىق فورمانى يسپاندىق Joma كومپانياسى جاسادى.
توكيوعا ارنالعان جيىنتىقتى دايىنداۋدا سپورتشىلارعا ديزاين، ماتالار مەن تىگىن بۇيىمدارى بويىنشا شەشۋشى تاڭداۋ بەرىلدى. وسى جىلدىڭ قاڭتار ايىنان باستاپ ەلىمىزدىڭ جەتەكشى سپورتشىلارى وليمپيادالىق كيىمدى تاڭداۋعا ارنالعان ساۋالنامالار، پرەزەنتاتسيالار مەن كەزدەسۋلەرگە قاتىستى.
ء"اربىر سپورتشى ءۇشىن وليمپيادا ويىندارى – بۇل سپورت مانسابىنداعى ەڭ ماڭىزدى وقيعا، ارمانعا باستاعان، ۇزاق جىلعا سوزىلعان قاجىرلى جاتتىعۋدىڭ ناتيجەسى.
وليمپيادانى كەيىنگە قالدىرۋ، باسەكەلەستىك تاجىريبەنىڭ بولماۋى، ىرىكتەۋ تۋرنيرلەرىن كەيىنگە قالدىرۋ نەمەسە ولاردى كۇنتىزبەدەن الىنىپ تاستالۋى سىندى وقيعالار بىلتىردان بەرى توكيو وليمپياداسى شەڭبەرىندە بەلگىسىزدىك بولدى. بۇگىندە ءبىزدىڭ مىندەتىمىز – ولارعا بارلىق جاعىنان، سونىڭ ىشىندە وليمپيادالىق كيىم سياقتى ماسەلەلەردە بارىنشا قولايلى جاعداي جاساۋ. سوندىقتان 35 سپورتشىدان تۇراتىن كوميسسيا فورمانى تاڭداۋ قۇقىعىن الدى جانە ولار وزدەرى توكيودا ولارعا كيۋگە نە ىڭعايلى بولاتىنىن انىقتادى، – دەپ پىكىر ءبىلدىردى ۇلتتىق وليمپيادالىق كوميتەت.
وليمپيادالىق كيىم فورماسىنا كەجۋال فورماتىندا تاڭدالىنعان. ديزاينەر كوللەكتسيانىڭ ىڭعايلىلىعىنا، بەرىكتىگىنە، شىدامدىلىعىنا كەپىلدىك بەرەدى، سونىمەن قاتار بۇل كيىمدەرگە كۇتىم جاساۋ وڭاي جانە مىجىلمايدى دەپ اتاپ ءوتتى وليمپيادا فورماسىنىڭ ديزاينەرى سالتانات بايمۇحامەدوۆا.
"قازىرگى زامانعى ماتالاردى جاساۋ تەحنولوگياسى دامىدى، ولاردان جاسالعان زاتتار تەرىگە بەيىم، گيپواللەرگەندى جانە جاقسى كورىنەدى. سپورتشىلار ءدال مەن ۇسىنعان كيىم فورماسىن تاڭداعانىنا قۋانىشتىمىن. وليمپياداشىلاردىڭ تاڭداۋى مەنى شابىتتاندىرادى. ولار وليمپيادا اياقتالعاننان كەيىن دە بۇل فورمانى كيگىلەرى كەلەتىنىن ايتتى. مەن ءبىزدىڭ سپورتشىلاردىڭ توكيودا پروگرەسسيۆتى جانە زاماناۋي بولىپ كورىنگەنىن قالادىم. الەمدىك ترەندتەر مەن سپورتشىنىڭ قالاۋىن بىرگە ۇشتاستىرىپ، فورمانى "سپورت-شيك" فورماتىن ۇسىنعىم كەلدى", – دەدى ديزاينەر.
"ادىرنا" ۇلتتىق پورتالى
