كەرۋەن-سارايدىڭ توبەسى وپىرىلىپ ءتۇستى. بۇل تۋرالى تۇركىستان اكىمىنىڭ ورىنباسارى تۇسىنىكتەمە بەردى، دەپ حابارلايدى “ادىرنا” ۇلتتىق پورتالى.
“جەلىلەردە تۇركىستانداعى كەرۋەن-ساراي اركالارىنىڭ ءبىرىنىڭ توبەسى قۇلاعانى تۋرالى ۆيدەو تاراتىلۋدا. نىسان باسشىلىعىنىڭ ءوتىنىشى بويىنشا كەلۋشىلەردىڭ قاۋىپسىزدىگىن ساقتاي وتىرىپ، جوسپارلى جوندەۋ جۇمىستارى جۇرگىزىلەدى. الەۋمەتتىك جەلى پايدالانۋشىلارىنان جالعان اقپارات تاراتپاۋدى سۇرايمىن.
نىسان جەكە ينۆەستيتسيالار ەسەبىنەن سالىنعانىن ەسكە سالايىن. قۇرىلىستىڭ ساپاسىنا ينۆەستور جاۋاپ بەرەدى”، –دەيدى تۇركىستان وبلىسى اكىمىنىڭ ورىنباسارى ساكەن قالماقانوۆ Facebook پاراقشاسىندا.
