89 جاستاعى زەينەتكەردىڭ قۇلاعىنان سىرعاسىن شەشىپ الىپ، لومباردقا تاپسىرعان (ۆيدەو)

3467
Adyrna.kz Telegram

اتىراۋدا 89 جاستاعى زەينەتكەردىڭ قۇلاعىنان سىرعاسىن شەشىپ الىپ، لومباردقا تاپسىرعان تۇرعىن ۇستالدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.

25 ماۋسىم كۇنى ساعات 10:30 شاماسىندا 89 جاستاعى اجەيگە ءۇيىنىڭ الدىندا بەلگىسىز بىرەۋ شابۋىل جاساعان. زەينەتكەردىڭ وڭ جاق قۇلاعىنان التىن سىرعاسىن جۇلىپ الىپ، وقيعا ورنىنان بوي تاسالاپ، قاشىپ كەتكەن. بەيتانىس ادامنان ءجابىر كورگەن ول اتىراۋ قالالىق پوليتسيا باسقارماسىنا ارىزدانادى. ايتۋىنشا، كۇدىكتى شامامەن 25-30 جاس ارالىعىنداعى ەر ادام بولعان. جابىرلەنۋشىگە كەلتىرىلگەن شىعىن كولەمى 75 مىڭ تەڭگەنى قۇراعان.

پوليتسيا قىزمەتكەرلەرىمەن جۇرگىزىلگەن جەدەل-ىزدەستىرۋ ءىس-شارالارى كەزىندە اتالعان ىسكە قاتىسى بار دەگەن كۇدىكپەن 31 جاستاعى ەر ادام انىقتالىپ، ۇستالدى. تەرگەۋ بارىسىندا كۇدىكتى ولجاسىن قالاداعى “لومبارد” مەكەمەسىنە تاپسىرعانى انىقتالدى. ول بۇل ارەكەتىن كوشەدە ءوتىپ بارا جاتقان بەيتانىس ەر ادامنان “كومەك سۇراۋ” ارقىلى جۇزەگە اسىرعان.

اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 191-بابى 1 بولىگىمەن (توناۋ) بويىنشا تەرگەۋ امالدارى جۇرگىزىلۋدە. قازىرگى ۋاقىتتا ۋاقىتشا ۇستاۋ يزولياتورىنا قاماۋعا الۋ بۇلتارتپاۋ شاراسىن قولداندى.

 

«ادىرنا» ۇلتتىق پورتالى

پىكىرلەر