Atyraýda 89 jastaǵy zeınetkerdiń qulaǵynan syrǵasyn sheship alyp, lombardqa tapsyrǵan turǵyn ustaldy, dep habarlaıdy «Adyrna» tilshisi Polisia.kz-ke silteme jasap.
25 maýsym kúni saǵat 10:30 shamasynda 89 jastaǵy ájeıge úıiniń aldynda belgisiz bireý shabýyl jasaǵan. Zeınetkerdiń oń jaq qulaǵynan altyn syrǵasyn julyp alyp, oqıǵa ornynan boı tasalap, qashyp ketken. Beıtanys adamnan jábir kórgen ol Atyraý qalalyq Polıııa basqarmasyna aryzdanady. Aıtýynsha, kúdikti shamamen 25-30 jas aralyǵyndaǵy er adam bolǵan. Jábirlenýshige keltirilgen shyǵyn kólemi 75 myń teńgeni quraǵan.
Polıııa qyzmetkerlerimen júrgizilgen jedel-izdestirý is-sharalary kezinde atalǵan iske qatysy bar degen kúdikpen 31 jastaǵy er adam anyqtalyp, ustaldy. Tergeý barysynda kúdikti oljasyn qaladaǵy “Lombard” mekemesine tapsyrǵany anyqtaldy. Ol bul áreketin kóshede ótip bara jatqan beıtanys er adamnan “kómek suraý” arqyly júzege asyrǵan.
Atalǵan fakti boıynsha Qazaqstan Respýblıkasy Qylmystyq Kodeksiniń 191-baby 1 bóligimen (Tonaý) boıynsha tergeý amaldary júrgizilýde. Qazirgi ýaqytta ýaqytsha ustaý ızolıatoryna qamaýǵa alý bultartpaý sharasyn qoldandy.
«Adyrna» ulttyq portaly
