ءۇندىستاننىڭ سولتۇستىگىندە كوروناۆيرۋستان قايتىس بولعان ادامداردىڭ دەنەلەرى جاپپاي سۋ بەتىنە شىعا باستاعان، دەپ حابارلايدى «ادىرنا» ۇلتتىق پورتالى Stan.kz اقپارات اگەنتتىگىنە سىلتەمە جاساپ.
Euronews مالىمەتتەرىنە سۇيەنسەك، مايىتتەر قاسيەتتى سانالاتىن گانگ وزەنىندە قالقىپ شىققان. جەرگىلىكتى تۇرعىندار ماۋسىمدىق سۋ تاسقىنى تەرەڭ ورنالاسپاعان قابىرلەردى قوزعالتىپ جىبەرگەن. ادامداردى جىلدام جەرلەگەن بولۋى كەرەك. بيلىك كرەماتسيا ۇيىمداستىرعان. قازىردىڭ وزىندە 150 ادام دەنەسىن ورتەگەن.
«ءبىز دەنەلەردى قايتا شىعارىپ المايمىز، بىراق سۋ دەڭگەيىنىڭ جوعارىلاۋىنا بايلانىستى قالقىپ شىققاندارىن كرەماتسيالايمىز. مايىتتەر شوعىرلانعان ايماق ءبىر شاقىرىمعا سوزىلىپ جاتىر. ءبىزدىڭ باعالاۋىمىز بويىنشا، وندا بارلىعى 500-600 ادام جەرلەنگەن بولۋى مۇمكىن. راسىمدەر كەزىندە بارلىق ساقتىق شارالارى قابىلدانادى»، – دەدى جەرگىلىكتى شەنەۋنىك نيراج كۋمار سينگح.
سۋ بەتىنە شىققان دەنەلەر كوكتەمدە كوروناۆيرۋستان قايتىس بولعاندار دەپ سانالادى. ول ۋاقىتتا ءۇندىستاننىڭ كوپتەگەن تۇرعىنى كرەماتسيا جاساي المادى جانە ولگەندەردى گانگ وزەنىنە اعىزىپ جىبەردى، قۇمعا كومدى.
ءولىمنىڭ رەسمي ستاتيستيكاسى بۇل ادامداردىڭ سانىن ەسكەرمەيدى.
"ادىرنا" ۇلتتىق پورتالى
