قازاقستان رەسپۋبليكاسىنىڭ ءبىلىم بەرۋ ءىسىنىڭ قۇرمەتتى قىزمەتكەرى ءومىر شىنىبەكۇلى ءبىلىم جانە عىلىم ءمينيسترى اسحات ايماعامبەتوۆتىڭ وتستاۆكاعا كەتۋىن سۇرادى، دەپ حابارلايدى “ادىرنا” ۇلتتىق پورتالى.
«تۇركىستان وبلىسى ءبىلىم سالاسىنداعى وسىنشا بىلىقتى ەستىپ، كورىپ ءبىلىپ وتىرىپ ساۋساعىن قىبىرلاتۋعا مۇرشاسى كەلمەي وتىرعان ءبىلىم جانە عىلىم ءمينيسترى ايماعامبەتوۆ وتستاۆكاعا كەتۋى كەرەك»، - دەپ جازدى ول.
پەداگوگ ەگەر مينيستر وتستاۆكاعا كەتپەسە وزىنە بەرىلگەن توسبەلگىلەردەن باس تارتاتىنىن ايتقان.
«مينيستر وتستاۆكاعا كەتپەسە بجعم بەرگەن «قازاقستان رەسپۋبليكاسىنىڭ ءبىلىم بەرۋ ءىسىنىڭ قۇرمەتتى قىزمەتكەرى»، «ى.التىنسارين» توسبەلگىلەرىنەن باس تارتاتىنىمدى مالىمدەيمىن. مۇنداي شاراسىز مينيسترلىكتەن العان ماراپاتتاردىڭ قۇنى مەن ءۇشىن كوك تيىن. ال سوتتاساڭ سوتتاپ جىبەر. پەداگوگ-ارىپتەستەرىم دەمالىس كەزىندە ءشوپ شاۋىپ جىلاپ جۇرگەندە مەن مىناۋ سىلدىرماقتاردى تاعىپ وتىرعانىم يتتىك بولار ەدى»، - دەيدى ول.
