پاتەرىن «كۆيكفوس» حيميالىق پرەپاراتىمەن دەزينفەكتسيالاپ، ەكى ادامنىڭ ولىمىنە سەبەپكەر بولدى دەپ ايىپتالعان ايەلدىڭ ىسىنە قاتىستى سوت ۇكىمى شىقتى. كورشىلەرىن ابايسىزدا ۋلاعان اقتاۋلىق تۇرعىن 6 جىلعا باس بوستاندىعىنان ايىرىلدى، دەپ حابارلاد، دەپ حابارلادى 31-ارنانىڭ ينفورمبيۋرو اقپاراتتىق باعدارلاماسى.
وقيعا اقپان ايىندا اقتاۋداعى كوپقاباتتى تۇرعىن ءۇيدىڭ بىرىندە بولعان. ۇيىندەگى زيانكەس جاندىكتەردى ۋلاماق بولماعان كەلىنشەك كورشىلەرىنە ەسكەرتپەستەن «كۆيكفوس» ۋلى پرەپاراتىمەن دەزينفەكتسيا جاساعان. كەيىن ءوزى ءۇيىن قۇلىپتاپ، سىرتقا شىعىپ كەتكەن. سونىڭ كەسىرىنەن ۋلى ءيىس وزگە پاترلەرگە تاراپ، كورشى ۇيدەگى 10 ايلىق ءسابي مەن ونىڭ 29 جاستاعى اناسى كوز جۇمعان بولاتىن.
حيميالىق پرەپاراتتان ۋلانعان تاعى بەس بالا اۋرۋحۋاناعا جەتكىزىلىپ، 68 جاستاعى ايەل مەن 34 جاستاعى ەر ادام جانساقتاۋ بولىمىنە تۇسكەن ەدى.
قايعىلى وقيعادان سوڭ كۇدىكتى قاماۋعا الىنىپ، ءىستى بولعان. سوتتالۋشى كىناسىن ءىشىنارا مويىنداپ، مارقۇمداردىڭ تۋىستارىنان كەشىرىم سۇرادى.
«ۋلى پرەپارات كورشىلەرىنە، سول ءۇيدىڭ تۇرعىندارىنىڭ پاتەرىنە تارالىپ، 10 ايلىق ءسابي مەن ونىڭ اناسى كوز جۇمدى جانە بىرنەشە تۇرعىن رەانيماتسياعا ءتۇستى. سوت ۇكىمىمەن اتالعان ازاماتشا قازاقستان رەسپۋبليكاسى قىلمىستىق كودەكسىنىڭ 304-بابى 3-بولىگى بويىنشا كىنالى دەپ تانىلىپ، وعان 6 جىل مەرزىمگە باس بوستاندىعىنان ايىرۋ جازاسى تاعايىندالدى»، - دەدى ماڭعىستاۋ وبلىستىق سوتىنىڭ رەسمي وكىلى گاۋھار نۇرحانوۆا.
