كەشە الماتى قالاسىنداعى "الماتى ارەنانىڭ" الاڭىندا "2Rar" لاقاپ اتىمەن تانىمال جاس ءانشى تۇرار ىدىرىس كونتسەرت وتكىزدى. وعان 3,5 مىڭ ادام قاتىسقان دەپ حابارلايدى "ادىرنا" ۇلتتىق پورتالى.
كونتسەرتتە جاس ءانشى ءوز رەپەرتۋارىنداعى جانە باسقا دا تانىمال اندەردى ورىندادى. "الماتى ارەناعا" جينالعان جۇرتشىلىق ءانشىنىڭ العاشقى كونتسەرتىن بارىنشا قولداپ، جاستار جاعى قوسىلىپ ءان شىرقادى.
سونداي-اق ونىڭ ءان كەشىندە امىرە، سادراددين، ميراس جۇگىنىسوۆ، تاسپاي، ت.ب. انشىلەر كەلىپ ونەر كورسەتتى. ال كونتسەرتتى بلوگەرلەر — جانسەرىك قادىرباەۆ پەن رازيۋشا جۇرگىزدى.
جاس ءانشى بۇعان دەيىن ءوزىنىڭ ينستاگرام پاراقشاسىندا الماتىنىڭ قاق ورتاسىنا ىلىنگەن افيشاسىن كورسەتىپ، تىڭدارمانداردى ءوزىنىڭ كونتسەرتىنە شاقىرعان بولاتىن.
ال وسىدان ەكى اپتا بۇرىن تۇرار ىدىرىس بىر كۇن بويى "Gakku" تەلەارناسىنىڭ Instagram stories-ءىن جۇرگىزىپ، ءوز ارماندارىمەن بولىسكەن. ول ءوز جازباسىندا:
“"Gakku" ارناسىنىڭ ينستاگرامىن مەن جۇرگىزەمىن. كىرىپ، قاراپ كورىڭىزدەر، قىزىق بولادى. “سارى قىز” ۆيدەوكليپى دايىن بولعاندا، "Gakku" ارناسىنا ۇسىنعانمىن، الايدا كليپتىڭ ساپاسى تومەن، قابىلداي المايمىز دەپ قايتارىپ جىبەردى. ەندى مىنە stories-ءتى مەن جۇرگىزىپ تۇرمىن. ارمانداڭىزدار، ارماندار ورىندالادى”،-دەدى.
"ادىرنا" ۇلتتىق پورتالى.
