Keşe Almaty qalasyndaǧy "Almaty Arenanyŋ" alaŋynda "2Rar" laqap atymen tanymal jas änşı Tūrar Ydyrys konsert ötkızdı. Oǧan 3,5 myŋ adam qatysqan dep habarlaidy "Adyrna" ūlttyq portaly.
Konsertte jas änşı öz repertuaryndaǧy jäne basqa da tanymal änderdı oryndady. "Almaty Arenaǧa" jinalǧan jūrtşylyq änşınıŋ alǧaşqy konsertın barynşa qoldap, jastar jaǧy qosylyp än şyrqady.
Sondai-aq onyŋ än keşınde Ämıre, Sadraddin, Miras Jügınısov, Taspai, t.b. änşıler kelıp öner körsettı. Al konserttı blogerler — Janserık Qadyrbaev pen Raziuşa jürgızdı.
Jas änşı būǧan deiın özınıŋ instagram paraqşasynda Almatynyŋ qaq ortasyna ılıngen afişasyn körsetıp, tyŋdarmandardy özınıŋ konsertıne şaqyrǧan bolatyn.
Al osydan ekı apta būryn Tūrar Ydyrys bır kün boiy "Gakku" telearnasynyŋ Instagram stories-ın jürgızıp, öz armandarymen bölısken. Ol öz jazbasynda:
“"Gakku" arnasynyŋ instagramyn men jürgızemın. Kırıp, qarap körıŋızder, qyzyq bolady. “Sary qyz” videoklipı daiyn bolǧanda, "Gakku" arnasyna ūsynǧanmyn, alaida kliptıŋ sapasy tömen, qabyldai almaimyz dep qaitaryp jıberdı. Endı mıne stories-tı men jürgızıp tūrmyn. Armandaŋyzdar, armandar oryndalady”,-dedı.
"Adyrna" ūlttyq portaly.
Ūqsas jaŋalyqtar
