ەلىمىزدە قالقانشا بەز وبىرىن ەمدەۋگە ارنالعان پرەپارات شىعارىلا باستادى دەپ حابارلايدى "ادىرنا" ۇلتتىق پورتالى قر ەنەرگەتيكا مينيسترلىگىنىڭ ءباسپاسوز قىزمەتىنە سىلتەمە جاساپ.
22 ماۋسىمدا «يادرولىق فيزيكا ينستيتۋتى» رەسپۋبليكالىق مەملەكەتتىك كاسىپورنىندا قالقانشا بەز وبىرىن قوسا العاندا، قالقانشا بەز اۋرۋلارىن ەمدەۋ ءۇشىن ناتري يوديد (131I) راديوفارمپرەپاراتىنىڭ ءبىرىنشى ونەركاسىپتىك پارتياسى جاسالدى. بۇل پرەپارات قر دەنساۋلىق ساقتاۋ مينيسترلىگىندە «ناتري ءيوديدى 131I, ىشۋگە ارنالعان ەرىتىندى» اتاۋىمەن دارىلىك زات رەتىندە تىركەلگەن.
24 ماۋسىمدا پرەپارات سەمەي قالاسىنداعى يادرولىق مەديتسينا جانە ونكولوگيا ورتالىعىنىڭ العاشقى پاتسيەنتتەرىنە جەتكىزىلدى. اعزانىڭ پاتولوگيالىق وشاعىندا ناتري ءيوديدى (131I) راديوفارمپرەپاراتىنىڭ تاڭدامالى جينالۋىنىڭ ارقاسىندا قورشاعان تىندەردى ساقتاي وتىرىپ، وبىر كلەتكالارى جويىلادى.
يادرولىق فيزيكا ينستيتۋتىندا (الماتى ق.) راديوفارماتسەۆتيكالىق پرەپاراتتار جاساۋ تاريحى 1986 جىلدان باستالادى. ءدال وسى جىلى كسرو-دا ميوكارد ينفاركتىسىن الدىن الا دياگنوستيكالاۋ ءۇشىن تاللي-201 يزوتوپى بار پرەپاراتتىڭ العاشقى ءوندىرىسى ۇيىمداستىرىلدى.
قازاقستان تاۋەلسىزدىك العاننان كەيىن ادامنىڭ بارلىق ورگاندارىنىڭ اۋرۋلارىن دياگنوستيكالاۋ ءۇشىن كەڭىنەن قولدانۋعا بولاتىن تەحنەتسيا-99م ءوندىرىسى جولعا قويىلدى. قازىرگى زامانعى دەنساۋلىق ساقتاۋ جۇيەسىندە بۇل يزوتوپتىڭ ۇلەسىنە بارلىق راديونۋكليدتىك راسىمدەردىڭ 80%-دان استامى تيەسىلى.
ال 2011 جىلى يادرولىق فيزيكا ينستيتۋتى تەحنەتسيا گەنەراتورلارىن تىركەدى جانە ەكى اپتا بويى جۇمىس ىستەيتىن جانە ەلدىڭ كەز كەلگەن وڭىرىنە جەتكىزىلۋى مۇمكىن ىقشام تاسىمالداناتىن گەنەراتورلاردى ءوندىرۋدى باستادى.
راديونۋكليدتىك دياگنوستيكانى قولدانا وتىرىپ، قاتەرلى ىسىكتەردى دامۋدىڭ ەڭ ەرتە ساتىسىندا انىقتاۋعا بولاتىندىعىن اتاپ وتكەن ءجون، بۇل قاتەرلى ىسىك اۋرۋىنان بولاتىن ءولىمدى جانە ناۋقاستاردا قايتالانۋ سانىن ەداۋىر ازايتادى.
گەنەراتوردىڭ كونسترۋكتسياسىن جاساۋ بويىنشا جۇمىستار 2014 جانە 2015 جىلدارى «جىل ونەرتابىسى»، «شاپاعات» رەسپۋبليكالىق كونكۋرستارىندا ەكى مارتە جەڭىسكە جەتتى.
"ادىرنا" ۇلتتىق پورتالى.
