ءجۇز تەڭگەنىڭ جىرى الماتىدا تاعى جالعاستى. بۇل جولى داۋ «باقوردا» ساۋدا كەشەنىندە تۋىندادى. اۆتوتۇراققا كىرەبەرىستە تۇرعان جىگىتتەر جۇرگىزۋشىدەن 200 تەڭگە تالاپ ەتكەن. ونىڭ سەبەبى تەرمينالدىڭ ىستەن شىعۋىمەن بايلانىستىرعان. دەگەنمەن جۇرگىزۋشى 100 تەڭگە تولەگەنىن ايتىپ، قوندىرعىنىڭ ىستەن شىعۋى وزدەرىنىڭ ماسەلەسى ەكەنىن جەتكىزەدى. وسى كەزدە ەرەگەس تۋىنداپ، اقشا الىپ تۇرعىن جىگىتتەردىڭ ءبىرى بىلاپىت سوزدەر ايتىپ، قول جۇمساۋعا تىرىسقان. جانجالدىڭ ۆيدەوسى الەۋمەتتىك جەلىگە جاريالاندى. پوليتسيا وقيعانىڭ الاتاۋ اۋدانىنداعى بازارلاردىڭ بىرىندە بولعانىن راستادى. جانجالداسقانداردى دا انىقتاعان. بىراق تاراپتار ارىز جازۋدان باس تارتىپتى. بۇل تۋرالى «ادىرنا» ۇلتتىق پورتالى «ەۋرازيا» ءبىرىنشى ارناسىنا سىلتەمە جاساپ حابارلايدى.
ەستەرىڭىزگە سالا كەتسەك، 30 ناۋرىز كۇنى ءدال وسىنداي وقيعا «التىن وردا» بازارىندا تىركەلگەن بولاتىن. وندا جۇرگۋزىشى مەن اقشا جينايتىن ازامات 100 تەڭگە ءۇشىن جانجالداسىپ، سوڭى توبەلەسپەن اياقتالعان بولاتىن. ءبىر بىرىنە قارسى شاعىم تۇسىرگەن تاراپتار ارتىنشا تاتۋلاسىپ تارقاسقان ەدى.
"ادىرنا" ۇلتتىق پورتالى
