جىل باسىنان بەرى الەۋمەتتىك ماڭىزى بار ازىق-تۇلىك تاۋارلارىنىڭ باعاسى 6,3% -عا ءوستى. بۇل تۋرالى ساۋدا جانە ينتەگراتسيا ءمينيسترى باقىت سۇلتانوۆ ۇكىمەت وتىرىسىندا ايتتى، دەپ حابارلايدى «ادىرنا» ۇلتتىق پورتالى ۆەدومستۆونىڭ ءباسپاسوز قىزمەتىنە سىلتەمە جاساپ.
«جىلدىق ەسەپ بويىنشا باعانىڭ ءوسۋى 11,8%-دى قۇرادى. ال 5 ايدىڭ قورىتىندىسى بويىنشا الەۋمەتتىك ماڭىزى بار ازىق-تۇلىك تاۋارلارىنا قاتىستى باعانىڭ ەڭ جوعارى ءوسىمى - تۇركىستان وبلىسىندا بايقالادى (9,4%). كورسەتكىش نۇر-سۇلتاندا - 8,5% جانە الماتىدا - 6,0% بولدى. ال باعانىڭ ەڭ از ءوسىمى: باتىس قازاقستان وبلىسىندا - 5,7%، اقمولا وبلىسىندا - 5,6% جانە قاراعاندى وبلىسىندا - 5,2%-دى قۇرادى»، - دەدى ول.
ازىق-تۇلىك باعاسى بۇكىل الەم ەلدەرىندە ءوسىپ جاتىر.
«وكىنىشكە قاراي، الەمدىك نارىق بىزگە دە اسەر ەتىپ وتىر. سونىمەن قاتار بىزدە ىشكى نارىقتاعى سۇرانىس پەن ۇسىنىستىڭ تەڭگەرىمسىزدىگىنە اكەلەتىن پروبلەمالار دا بار. مىسالى، اۋىل شارۋاشىلىعى مينيسترلىگىنىڭ مالىمەتىنشە، كارتوپ ءوندىرۋ بويىنشا وتاندىق ءوندىرىس تۇتىنۋشىنىڭ 108%-دان استامىن قامتاماسىز ەتەدى. سونىمەن بىرگە كارتوپ ءوندىرىسىنىڭ كولەمى بار بولعانى 1,9 ملن توننانى نەمەسە جالپى ءونىمنىڭ 47%-ىن قۇرايدى. كولەمنىڭ قالعان بولىگى ءىس جۇزىندە تاۋار اينالىمىنا قاتىسپايدى. وتكەنى ول حالىقتىڭ شارۋاشىلىقتارىندا شىعارىلادى. وسىعان قاراماستان، وتكەن جىلى ەكسپورت رەكوردتىق كورسەتكىش - 360 مىڭ تونناعا جەتتى»، - دەدى ول.
سونداي-اق جىل باسىنان بەرى ەكسپورتتىڭ جوعارى بولۋى وتاندىق ءونىم قورىنىڭ 3 ەسەگە تومەندەۋىنە اكەلدى. كورسەتكىش 903 مىڭ توننادان 330 مىڭ تونناعا دەيىن تومەندەپتى. بۇل ماسەلەنى شەشۋ ءۇشىن يران مەن پاكىستاننان 28 مىڭ توننا قىمبات كارتوپ ساتىپ الىندى. بۇل وتاندىق كارتوپقا قاراعاندا ءۇش ەسە قىمبات ەدى.
"ادىرنا" ۇلتتىق پورتالى
(فوتو azattyq-ruhy سايتىنان)
