Baqyt Sultanov: kartop pen sábiz tapshylyǵy jylda qaıtalanyp keledi

3502
Adyrna.kz Telegram

Jyl basynan beri áleýmettik mańyzy bar azyq-túlik taýarlarynyń baǵasy 6,3% -ǵa ósti. Bul týraly saýda jáne ıntegraııa mınıstri Baqyt Sultanov úkimet otyrysynda aıtty, dep habarlaıdy «Adyrna» ulttyq portaly vedomstvonyń baspasóz qyzmetine silteme jasap.

«Jyldyq esep boıynsha baǵanyń ósýi 11,8%-dy qurady. Al 5 aıdyń qorytyndysy boıynsha áleýmettik mańyzy bar azyq-túlik taýarlaryna qatysty baǵanyń eń joǵary ósimi - Túrkistan oblysynda baıqalady (9,4%). Kórsetkish Nur-Sultanda - 8,5% jáne Almatyda - 6,0% boldy. Al baǵanyń eń az ósimi: Batys Qazaqstan oblysynda - 5,7%, Aqmola oblysynda - 5,6% jáne Qaraǵandy ​​oblysynda - 5,2%-dy qurady», - dedi ol.

Azyq-túlik baǵasy búkil álem elderinde ósip jatyr.

«Ókinishke qaraı, álemdik naryq bizge de áser etip otyr. Sonymen qatar bizde ishki naryqtaǵy suranys pen usynystyń teńgerimsizdigine ákeletin problemalar da bar. Mysaly, Aýyl sharýashylyǵy mınıstrliginiń málimetinshe, kartop óndirý boıynsha otandyq óndiris tutynýshynyń 108%-dan astamyn qamtamasyz etedi. Sonymen birge kartop óndirisiniń kólemi bar bolǵany 1,9 mln tonnany nemese jalpy ónimniń 47%-yn quraıdy. Kólemniń qalǵan bóligi is júzinde taýar aınalymyna qatyspaıdy. Ótkeni ol halyqtyń sharýashylyqtarynda shyǵarylady. Osyǵan qaramastan, ótken jyly eksport rekordtyq kórsetkish - 360 myń tonnaǵa jetti», - dedi ol.

Sondaı-aq jyl basynan beri eksporttyń joǵary bolýy otandyq ónim qorynyń 3 esege tómendeýine ákeldi. Kórsetkish 903 myń tonnadan 330 myń tonnaǵa deıin tómendepti. Bul máseleni sheshý úshin Iran men Pákistannan 28 myń tonna qymbat kartop satyp alyndy. Bul otandyq kartopqa qaraǵanda úsh ese qymbat edi.

"Adyrna" ulttyq portaly

(foto azattyq-ruhy saıtynan)

Pikirler