بۇۇ باس اسسامبلەياسىنىڭ جاڭا توراعاسى ابدۋللا شاحيد الەمدەگى بارلىق ادامعا 2022 جىلدىڭ سوڭىنا دەيىن كوروناۆيرۋسقا قارسى ەكپە ەگىلۋ كەرەكتىگىن مالىمدەدى، دەپ حابارلايدى "ادىرنا" ۇلتتىق پورتالى
- 2022 جىلدىڭ سوڭىنا دەيىن الەمدەگى ادامداردىڭ ءبىرىن قالدىرماي ۆاكتسينالاۋ - ءبىزدىڭ باستى ماقساتىمىز. وعان قول جەتكىزۋ ءۇشىن بۇۇ باس اسسامبلەياسىنىڭ توراعاسى رەتىندە قولدان كەلگەننىڭ ءبارىن جاسايمىن، - دەيدى شاحيد.
بۇۇ باس اسسامبلەياسىنىڭ توراعاسى كەلەسى جىلدىڭ باسىندا ەكپەگە قاتىستى تەڭسىزدىك بويىنشا جوعارى دەڭگەيدەگى كەزدەسۋلەر ۇيىمداستىرۋعا نيەتتى ەكەنىن دە اتاپ ءوتتى.
ايتا كەتەيىك، بۇعان دەيىن بەلگىلى بولعانداي، الەمدە كوروناۆيرۋس ينفەكتسياسىنىڭ 225 024 781 جاعدايى تىركەلدى. ءبىر تاۋلىكتە COVID-19-دى 451 361 ادام جۇقتىرعان.
"ادىرنا" ۇلتتىق پورتالى
