پانارالىق زەرتتەۋلەر

4971
Adyrna.kz Telegram
قازاق جەرىندە قۇدىق قازۋ ءىسى ەرتە كەزەڭنەن قالىپتاسقان. ارحەولوگتار قولا داۋىرىنە ساياتىن سولتۇستىك قازاقستانداعى شاعالالى قونىسىنان، باتىس قازاقستانداعى تاستىبۇلاق قونىسىنان قازىلعان تسيليندر ءتارىزدى قۇدىقتاردىڭ ورنىن تاپقان. سول زاماننىڭ وزىندە ەجەلگى تايپالار قۇدىق قازۋدىڭ كۇردەلى تەحنولوگياسىن مەڭگەرگەن. قۇدىقتار قازاق حالقىنىڭ تىرشىلىكتى قامتاماسىز ەتۋ جۇيەسىندە اۋىز سۋدى قامتۋمەن بىرگە، مال سۋارۋ جۇزەگە اسىرۋدا ماڭىزدى رول اتقارعان. كوش جولدارىن جالعاپ جاتقان قۇدىقتاردىڭ ماڭىزدى بەكەت سانالدى. ماڭعىستاۋ مەن ۇستىرتتە كوش جولدارىن قۇدىقتار جالعان جاتتى. سۋى تۇششى، ءارى اسا تەرەڭ ەمەس جەردەن ءبىر-بىرىنە جاقىنداۋ ەتىلىپ، ونشاقتى قۇدىققا دەيىن قازىلعان. قۇدىق قازۋ وتە اۋىر جۇمىس بولعان. قۇدىق قازۋمەن ارنايى وسى ءىستى كاسىپ قىلعان، سۋدىڭ كوزىن تاني بىلەتىن شەبەرلەر – قۇدىقشىلار اينالىستى. شىڭىراۋ قۇدىقتارداعى جەردىڭ تاستى قاباتىن، تازا سۋ كوزدەرىنە جەتكەنشە ۇڭعىپ قازعان. كەي جەردە تاستى قابات 40 مەترگە دەيىن جەتكەن. قۇدىقشىلار ديامەترى 1-1,5 مەتر قۇدىق ىشىندە وتىرىپ جۇمىس جاساعان، جازدىڭ كۇنى قۇدىق تەرەڭدىگىندە تون كيىپ قازعان. قۇدىقتاردىڭ ءار ءتۇرلى اتاۋلارى مەن تۇرلەرىنىڭ قالىپتاسۋى ونىڭ ورنالاسقان جەرى، يەسى، تەرەڭدىگى مەن سۋىنىڭ كولەمىنە بايلانىستى.باستى بەت » «edu.e-history.kz» ەلەكتروندىق جۋرنالى »


پىكىرلەر