بۇگىن سوفى سماتاەۆتىڭ تۋعان كۇنى

7293
Adyrna.kz Telegram

بۇگىن اتاقتى جازۋشى، دراماتۋرگ سوفى سماتاەۆ سەكسەن جاسقا تولدى. الەۋمەتتىك جەلىلەردە ونەر ادامدارى جازۋشىنى قۇتتىقتاپ جاتىر، دەپ حابارلايدى «ادىرنا» ۇلتتىق پورتالى.

«بۇگىن - التىننان ارداقتى، كۇمىستەن سالماقتى، جانى ساف تازا جازۋشى سوفى سماتاەۆ اعانىڭ سەكسەن جاستىڭ سەڭگىرىنە شىققان تۋعان كۇنى!

الەكەدەي جالانعان الەۋمەتتىك جەلىنى سەكسەن جاسىندا جۇگەندەپ، ەرتتەپ ءمىنىپ، ەلمەن ەركىن ارالاسىپ وتىرعان باتىل جۇرەك اعانىڭ جاسامپاز دا جەڭىمپازدىعى كىمگە بولسىن ۇلگى-ونەگە»، - دەپ تورەعالي تاشەنوۆ جىلى لەبىزىن ءبىلدىردى.

ال دۋمان رامازان جازۋشىنىڭ شىعارماشىلىعىن، سونىڭ ىشىندە «ەلىم-اي» رومانىن تالداپ، ودان بولەك قۇتتىقتاۋ تىلەگىن جازىپتى.

«مىنە، مەرەيلى 80 جاسقا تولىپ وتىرسىز. سىزگە بەرگەن قۇدايدىڭ ەڭ ۇلكەن سىيى وسى. بۇل جاسقا كەلگەن دە، كەلمەگەندە بار. ماسەلە، قالاي كەلۋدە؟! ءسىز وسىناۋ مەرەيلى جاسقا اۋىز تولتىرىپ ايتارلىقتاي جەتىستىكتەرمەن، زور تابىسپەن، ءىرى جەڭىسپەن كەلىپ وتىرسىز. قولىڭىزدان قالامىڭىز تۇسكەن جوق. قال-قادىرىڭىزشە تۋعان ەلىڭىزگە اق-ادال قىزمەت ەتىپ كەلەسىز. جۇمىر باستى پەندەگە، ەلى مەن حالقىن سۇيەتىن قالامگەرگە بۇدان ارتىق باقىت جوق. شىن باقىتتىسىز، اعا! باعىڭىز باياندى بولسىن، قۋانىشىڭىز ۇزاعىنان ءسۇيىندىرسىن! قاشاندا مەرەيىڭىز ۇستەم، مارتەبەڭىز جوعارى، ابىرويىڭىز اسقاق بولسىن!

ءبىز ءسىزدى قازاق ادەبيەتىنىڭ كلاسسيگى دەپ بىلەمىز! سولاي تانيمىز، باعالايمىز. شىنىندا دا سولاي! ءسىزدىڭ شىعارمالارىڭىز ءالى تالاي ۇرپاقتىڭ تانىم-تۇسىنىگىن ۇشتاپ، كوزقاراسىن قالىپتاستىرىپ، كوڭىل كوكجيەگىن كەڭەيتە تۇسەرىنە سەنىمدىمىز!

امان بولىڭىز، اعا! عۇمىر-جاسىڭىز ۇزاق بولسىن!

ادام ۇرپاعىمەن مىڭ جاسايدى! ۇرپاعىڭىزدىڭ قىزىق-قۋانىشىن كورە بەرىڭىز!

حالقىڭىزدىڭ سۇيىسپەنشىلىگى مەن قالىڭ وقىرمانىڭىزدىڭ ىستىق ىقىلاسىنا بولەنە بەرىڭىز!

قۇدايىم، بويىڭىزعا دا، قالامىڭىزعا دا قۋات بەرسىن!»، - دەپ جازدى ول.

"ادىرنا" ۇلتتىق پورتالى

پىكىرلەر