مەنىڭ ارتىمدا تۇرعان مۇنارانىڭ بيىكتىگى 250 مەتر جانە مۇنارا كۇن كوزىن بويىنا ءسىڭىرىپ، ونى 10600 اينا ارقىلى قۋات كوزىنە اينالدىرادى
بۇل اقپارات زاۋىتتىڭ اشىلۋ سالتاناتىنداعى چيلي رەسپۋبليكاسىنىڭ پرەزيدەنتى سەباستيان پينەرانىڭ العىسوزى بولاتىن.
ەل پرەزيدەنتى بۇل قادامعا ء"ارى جاقسى، ءارى تازا الەم ءۇشىن" دەگەن باعا بەردى. ۇزىنقۇلاقتىڭ ايتۋى بويىنشا، زاۋىت ەنەرگيانى تاۋلىك بويىنا ءوندىرىپ وتىرادى. بۇل ءۇشىن جىلۋ ەنەرگياسىن ساقتاۋعا ارنالعان ارنايى جۇيە ورناتىلماق.
ونەرتابىس الەمدى تازارتا تۇسەدى دەگەن پرەزيدەنت ءسوزىنىڭ باستى دالەلى-اتالعان زاۋىت ءبىر جىل بويىنا قوقىس رەتىندە تاستالاتىن كومىرقىشقىل گازىنىڭ مولشەرىن 600 مىڭ تونناعا كەمىتپەك. مەملەكەت شەندىلەرىنىڭ ايتۋىنشا، اتالعان تەندەنتسيا تولىعىمەن جۇزەگە اسسا، 2050 جىلى چيلي كومىرقىشقىل گازىنىڭ قوقىستارىنسىز ءومىر سۇرەدى. قورشاعان ورتانىڭ يگىلىگى ءۇشىن نىق قادامدار باسقان كەز-كەلگەن تۇلعانى ۇلتىنا، ناسىلىنە بولمەي، تەك قانا بارەكەلدى دەيمىز.
كورگەنوۆ قۋاندىق
