چيلي دارىگەرلەرى سانتياگودا COVID-19 جۇقتىرعان جاعدايدى راستادى. بۇل تۋرالى 4 ناۋرىزدا رەسپۋبليكانىڭ دەنساۋلىق ساقتاۋ مينيسترلىگى حابارلادى. ال، جەرگىلىكتى دارىگەرلەر ناۋقاستار اۋرۋدى وڭاي وتكىزىپ جاتىر جانە ەشقانداي قاۋىپ جوق دەپ سەندىرىپ وتىر، دەپ جازادى baq.kz.
استانالىق وكرۋگتىڭ 56 جاستاعى تۇرعىنى ەۋروپانىڭ بىرنەشە ەلىنە بارعان، ونىڭ ىشىندە يتاليانى دا ارالاعان، - دەلىنگەن ۆەدومستۆونىڭ حابارلاماسىندا.
دارىگەرلەر ناۋقاستى اۋرۋحاناعا جاتقىزباي، ۇيىنە جىبەرگەن. سەبەبى، ونىڭ سىرقاتىن جەڭىل فورمادا دەپ تانىعان.
وسىمەن بۇل چيليدە كوروناۆيرۋس جۇقتىرعان ءۇشىنشى جاعداي بولىپ وتىر. بۇعان دەيىن، ەل پرەزيدەنتى سەباستيان پينەرا سينگاپۋردان كەلگەن 33 جاستاعى دارىگەردەن انىقتالعانىن حابارلاعان بولاتىن. دارىگەر – تالكا قالاسىنىڭ تۇرعىنى. سودان سوڭ دارىگەرمەن بىرگە سينگاپۋرعا بارعان جۇبايىندا دا كوروناۆيرۋس انىقتالدى.
