اقتوبە وبلىسىندا بەس ايدا 13 مىڭعا جۋىق جاڭا جۇمىس ورنى قۇرىلدى. بۇل تۋرالى وبلىس اكىمى وڭداسىن ورازالين ورتالىق كوممۋنيكاتسيالار قىزمەتىندە وتكەن اقتوبە وبلىسىنىڭ بيىلعى بەس ايداعى الەۋمەتتىك-ەكونوميكالىق دامۋىنىڭ قورىتىندىلارى مەن الداعى كەزەڭگە ارنالعان جوسپارلارى تۋرالى ءباسپاسوز ءماسليحاتى بارىسىندا مالىمدەدى.
«مەملەكەت باسشىسى ءوزىنىڭ قازاقستان حالقىنا جولداۋىندا اتاپ وتكەندەي، حالىقتىڭ جۇمىسپەن قامتىلۋى جانە ولاردىڭ تابىستارىن ساقتاۋ ءبىزدىڭ باستى مىندەتتەرىمىزدىڭ ءبىرى بولىپ تابىلادى. بۇگىنگى كۇنى وبلىستا جۇمىسسىزدىق دەڭگەيى 4,8% قۇرايدى، بەس ايدا 13 مىڭعا جۋىق جاڭا جۇمىس ورنى قۇرىلسا، ونىڭ جارتىسى تۇراقتى. جاستار اراسىنداعى جۇمىسسىزدىق دەڭگەيى دە ورتاشا رەسپۋبليكالىق دەڭگەيدەن تومەن - 2,5%. جالپى، بيىلعى جىلى 53 مىڭ جۇمىسسىز بەن ءوزىن-ءوزى جۇمىسپەن قامتىعانداردى جۇمىسقا ورنالاستىرۋعا كومەك كورسەتۋ جوسپارلانىپ وتىر»، - دەدى و.ورازالين.
ەسەپتى كەزەڭدە وبلىستا ورتاشا ايلىق ەڭبەكاقى 196 مىڭ تەڭگەنى قۇرادى، بۇل وتكەن جىلدىڭ سايكەس كەزەڭىمەن سالىستىرعاندا 16,5% -عا ارتىق.
«بۇعان، سونىڭ ىشىندە، جىل باسىنان بەرى قىرىقتان استام ءىرى جانە ورتا كاسىپورىنداردىڭ 30 مىڭنان اسا جۇمىسشىنىڭ ەڭبەكاقىسىن ورتاشا 15% -عا ءوسىرۋىنىڭ ارقاسىندا قول جەتتى»، - دەدى وبلىس اكىمى.
سونداي-اق، مەملەكەتتىڭ الەۋمەتتىك ساياساتىن ىسكە اسىرۋ اياسىندا جىل باسىنان بەرى 24 مىڭعا جۋىق ازامات 710 ميلليون تەڭگە كولەمىندە اتاۋلى الەۋمەتتىك كومەك الدى، 1 جاستان 6 جاسقا دەيىنگى 5,7 مىڭ بالاعا جالپى سوماسى 161 ملن. تەڭگەگە كەپىلدەندىرىلگەن الەۋمەتتىك پاكەت بەرىلدى. جەرگىلىكتى دەڭگەيدە قوسىمشا قولداۋ كورسەتۋ ماقساتىندا 13 مىڭعا جۋىق ازاماتقا ءتۇرلى جەڭىلدىكتەر، قوسىمشا تولەمدەر مەن 702 ملن.تەڭگە كولەمىندە وتەماقىلار بەرىلدى.
سونىمەن قاتار، بيىل 14,5 مىڭ مۇمكىندىگى شەكتەۋلى جانداردى الەۋمەتتىك قولداۋعا 3,1 ملرد. تەڭگە ءبولىندى.
